Чомарт бергенин айтмаз.
Тили узунну, намысы – къысха.
Къызын тута билмеген, тул этер, джашын тута билмеген, къул этер.
Аман адам элни бир-бирине джау этер.
Къар – келтирди, суу – элтди.
Мураты болгъанны джюрек тебюую башхады.
Къарны аманнга къазан такъдырма, къолу аманнга от джакъдырма.
Акъдан къара болмаз.
Таукел адам тау тешер.
Келинин тута билмеген, къул этер, къызын тута билмеген, тул этер.
Башынга джетмегенни сорма.
Тура эдим джата, къайдан чыкъды хата?
Биреуню тёрюнден, кесинги эшик артынг игиди.
Ач къалгъандан, кеч къалгъан къолай.
Айыбны суу бла джууалмазса.
Ауузу аманнга «иги», деме.
Джарлыны тону джаз битер.
Къарнынг ауруса, ауузунгу тый
Тамырсыз терекге таянма – джыгъылырса.
Керти сёзге тёре джокъ.
Эринчекге кюн узун.
Тюкюрюк баш джармаз, налат кёз чыгъармаз!
Айраннга суу къош, телиге джол бош.
Ачны эсинде – аш.
Ашлыкъны арба юйге келтирир, чана базаргъа элтир.
Сабыр джетер муратха, сабырсыз къалыр уятха.
Сагъыш – къартлыкъгъа сюйюмчю.
Билим ат болуб да чабар, къуш болуб да учар.
Къайгъы тюбю – тенгиз.
Бал – татлы, балдан да бала – татлы.
Ышармагъан – кюлмез, кюлмеген – къууанчны билмез.
Орундукъ тюбюнде атылсам да, орта джиликме, де да айлан.
Ата Джуртун танымагъан, атасын да танымаз.
Мадар болса, къадар болур.
Олтуруб кёрюнмей эди да, ёрге туруб кёрюне эди.
Ишлегенден, къарагъан уста.
Ойнай билмеген, уруб къачар.
Кюл тюбюндеги от кёрюнмейди.
Таукелге нюр джауар.
Айранын берсенг, челегин да къызгъанма.
Телиге от эт десенг, юйюнге от салыр.
Къыйынлы джети элни къайгъысын этер.
Дуния аламаты сен эсенг да, игиме деб айтма.
Джарлы джети элни сёзюн этер.
Ауругъанны сау билмез, ач къарынны токъ билмез.
Ашда уялгъан – мухар, ишде уялгъан – хомух.
Джашны джигитлиги сорулур, къызны джигерлиги сорулур.
Ойнай-ойнай кёз чыгъар.
Къуллукъчума, деб махтанма, къуллукъ – хаух джамчыды!
Кюн кёрмеген, кюн кёрсе, кюндюз чыракъ джандырыр.
прикольно играешь ))