Акъыллы эркиши атын махтар, акъылсыз эркиши къатынын махтар.
Таш ата билмеген, башына урур.
Ашха уста, юйюнде болсун
Къанны къан бла джуума, аманны аман бла къуума.
Минг тенг да азды, бир джау да кёбдю.
Хоншуну тауугъу къаз кёрюнюр, келини къыз кёрюнюр.
Джаш къарыу бла кючлю, къарт акъыл бла кючлю.
Хар ишни да аллы къыйынды.
Акъыл къартда, джашда тюйюлдю – башдады.
Къарт бла баш аша, джаш бла аякъ аша.
Ашына кёре табагъы, балына кёре къалагъы.
Аман хансны – урлугъу кёб.
Бал – татлы, балдан да бала – татлы.
Къолу уллу – асыу, аягъы уллу – джарсыу.
Аман киши кеси юйюнде – къонакъ.
Къайтырыкъ эшигинги, къаты уруб чыкъма.
Адамны артындан къара сабан сюрме.
Джылыгъа джылан илешир.
Акъыл бла адеб эгизледиле.
Тели турса – той бузар.
Джаханимни кёрмей, джандетге кёл салмазса.
Бозаны арты дауур болур.
Ач уят къоймаз.
Харам къарнашдан, халал тенг ашхы.
Ата – билек, ана – джюрек!
Джангыз терек къынгыр ёсер.
Аш берме да, къаш бер.
Суугъа – чабакъ, къаягъа – ыргъакъ.
Тенги кёбню джау алмаз, акъылы кёбню дау алмаз.
Джарашыу сюйген – джалынчакъ.
Биреу ашаб къутулур, биреу джалаб тутулур.
Ишни ахырын ойламай, аллын башлама.
Тин – байлыгъынг, терен саулугъунг.
Тил – кесген бычакъ, сёз – атылгъан окъ.
Окъугъан – асыу, окъумагъан – джарсыу.
Сакъ юйюне сау барыр.
Мал кёб болса, джууукъ кёб болур.
Джиби бир къат джетмей эди да, эки къат тарта эди.
Иги – алгъыш этер, аман – къаргъыш этер.
Арбаз къынгырды да, ийнек сауалмайма.
Сескекли кесин билдирир.
Къайгъыны сюйген, къайгъы табар.
Айтхан сёзюне табылгъан.
Ётюрюкчюню шагъаты – къатында.
Ата Джуртча джер болмаз, туугъан элча эл болмаз.
Къуллукъчума, деб махтанма, къуллукъ – хаух джамчыды!
Ауузу аманнга «иги», деме.
Тамырсыз терекге таянма – джыгъылырса.
Ётюрюкден тюбю джокъ, кёлтюрюрге джиби джокъ.
Сабыр джетер муратха, сабырсыз къалыр уятха.
прикольно играешь ))