Джюрекге ариу – кёзге да ариу.
Джуртун къоругъан озар.
Чомарт къонакъ юй иесин сыйлар.
Таш ата билмеген, башына урур.
Ашхылыкъ джерде джатмайды, аманлыкъ суугъа батмайды.
Намыс болмагъан джерде, насыб болмаз.
Къонакъ кёб келюучю юйню, къазаны отдан тюшмез.
Магъанасыз сёз – тауушсуз сыбызгъы.
Къыйынлы джети элге оноу этер.
Ач отунчуну ачыуу – бурнунда.
Джюз элде джюз ёгюзюм болгъандан эсе, джюз джууугъум болсун.
Къонагъы джокъну – шоху джокъ.
Ёлмесенг да, къарт дамы болмазса?
Ата Джуртча джер болмаз, туугъан элча эл болмаз.
Къууут – джелге, берне – бошха.
Чёбню кёлтюрсенг, тюбюнден сёз чыгъар.
Ауругъаннга – кийик саулукъ, джетген къызгъа – чилле джаулукъ.
Кёкдеги болмаса, джердегин кёрмейди.
Сабий кёргенин унутмаз.
Акъыл аздырмаз, билим тоздурмаз.
Сакъламагъан затынга джолукъсанг, не бек къууанаса, не бек ачыйса.
Ачлыкъда тары гырджын халыуадан татлы.
Ауузу аманнга «иги», деме.
Чыбыкълыкъда бюгюлмеген, къазыкълыкъда бюгюлмей эди.
Тилде сюек болмаса да, сюек сындырыр.
Адам къаллай бир ишленмесе, аллай бир кесин уллу кёреди.
Къайгъы тюбю – тенгиз.
Адамны аманы адамны бети бла ойнар.
Чоюнну башы ачыкъ болса, итге уят керекди.
Айтханы чапыракъдан ётмеген.
Байлыкъ болгъан джерде, тынчлыкъ джокъду.
Керилген да, ургъан кибикди.
Суу кетер, таш къалыр.
Рысхы – насыбха къор.
Чыкълы кюнде чыкъмагъан, чыкъса къуру кирмеген.
Тойгъан антын унутур.
Алтыда кюлмеген, алтмышда кюлмез.
Ёнгкюч къууана барыр, джылай келир.
Билим ат болуб да чабар, къуш болуб да учар.
Чомарт джарлы болмаз.
Джарлыны эшигин махтагъан джабар.
Къарнынг тойгъунчу аша да, белинг талгъынчы ишле.
Аз айтсам, кёб ангылагъыз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Джахил болса анасы, не билликди баласы?
Нарт сёз къарт болмаз.
Адамны джюреги нени кёрюрге сюйсе, кёзю да аны кёрюрге ёч болады.
Махтаннган къыз, тойда джукълар.
Эринчекге кюн узун.
Къонакъны къачан кетерин сорма, къачан келлигин сор.
прикольно играешь ))