Эрине къаргъыш этген къатын, эрнин къабар.
Ётюрюкню къуйругъу – бир тутум.
Байдан умут эте, джарлыдан ёгюз багъасы къорады.
Келгинчи, къонакъ уялыр, келгенден сора, къонакъбай уялыр.
Аманны тукъумуна къарама, игини тукъумун сорма.
Ёлюк кебинсиз къалмаз.
Чомартны къолун джокълукъ байлар.
Эл элде бирер малынг болгъандан эсе, бирер тенгинг болсун.
Джырчы ёлсе, джыры къалыр.
Аманнга да, игиге да оноусуз къатышма.
Битмегеннге сакъал – танг.
Бёрю да ач къалмасын, эчки да ашалмасын.
Кийиминг бла танылма, адамлыкъ бла таныл.
Адамны джюреги нени кёрюрге сюйсе, кёзю да аны кёрюрге ёч болады.
Ёлмесенг да, къарт дамы болмазса?
Башланнган иш битер, къымылдагъан тиш тюшер.
Къошда джокъгъа – юлюш джокъ.
Эм уллу байлыкъ – джан саулукъ.
Хаухну атма, ёнгкючню сатма.
Ёлген эшек бёрюден къоркъмайды.
Ашхы атаны – джашы ашхы, ашхы ананы – къызы ашхы.
Сёз – кюмюш, джыр – алтын.
Ушамагъан – джукъмаз.
Бети бедерден, намыс сакълама.
Адамны аты башхача, акъылы да башхады.
Хар сёзню орну барды.
Эки итни арасына сюек атма, эки адамны арасында сёз чыгъарма.
Кёзю сокъурдан – къоркъма, кёлю сокъурдан – къоркъ.
Тойгъандан сора, ашны сёкме.
Кёб джашагъан – кёб билир.
Айранын берсенг, челегин да къызгъанма.
Тёрде – темир таякълы, къаяда – чыпчыкъ аякълы.
Къазанда болса, чолпугъа чыгъар.
Алтыннга тот къонмаз.
Арбаз сайлама да, хоншу сайла.
Ат басханны джер билед.
Харам къарнашдан, халал тенг ашхы.
Aдам боллукъ, сыфатындан белгили.
Къолу уллу – асыу, аягъы уллу – джарсыу.
Джауумдан сора, кюн кюйдюрюр, ётюрюкден сора, айыб кюйдюрюр.
Хар ишни да аллы къыйынды.
Ата Джуртун танымагъан, атасын да танымаз.
Аллахха ийнаннган кишини, Аллах онгдурур ишин.
Байны оноуу, джарлыгъа джарамаз.
Ана къолу ачытмаз.
Адамны сыфатына къарама, сёзюне къара.
Ауузу аманнга «иги», деме.
Суу кетер, таш къалыр.
Тилчи тилден къаныкъмаз.
Ариу сёз аурууунгу алыр.
прикольно играешь ))