Терслик кетер, тюзлюк джетер.
Байма, деб да, къууанма, джарлыма, деб да, джылама.
Аман къатын сабий табса, бий болур…
Аджалсыз ёлюм болмаз.
Уллу къазанда бишген эт, чий къалмаз.
Адамны артындан къара сабан сюрме.
Атлыны кёрсе, джаяуну буту талыр.
Тура эдим джата, къайдан чыкъды хата?
Къолу уллу – асыу, аягъы уллу – джарсыу.
Кёрмегеннге кебек – танг, битмегеннге сакъал – танг.
Джахил болса анасы, не билликди баласы?
Ана къойну – балагъа джандет.
Къыйынлы джети элге оноу этер.
Ашына кёре табагъы, балына кёре къалагъы.
Къарнынг къанлынга кийирир.
Эли джокъну – кёлю джокъ.
Ачыу алгъа келсе, акъыл артха къалады.
Ёлмесенг да, къарт дамы болмазса?
Кёбден умут этиб, аздан къуру къалма.
Кёзню ачылгъаны – иги, ауузну джабылгъаны – иги.
Къонагъынгы артмагъын алма да, алгъышын ал.
Биреуню къыйынлыгъы бла кесинге джол ишлеме.
Джангыз терек къынгыр ёсер.
Сабийни джумушха джибер да, ызындан бар.
Гитче джилтин уллу элни джандырыр.
Таш бла ургъанны, аш бла ур.
Алма терегинден кери кетмез.
Эл элде бирер малынг болгъандан эсе, бирер тенгинг болсун.
Ишин билген, аны сыйын чыгъарады.
Къонакъ кёб келюучю юйню, къазаны отдан тюшмез.
Билмейме деген – бир сёз
Тенги кёбню джау алмаз, акъылы кёбню дау алмаз.
Акъыллы башны – тили къысха.
Кёкдеги болмаса, джердегин кёрмейди.
Чыкълы кюнде чыкъмагъан, чыкъса къуру кирмеген.
Юйюнгден чыкъдынг – кюнюнгден чыкъдынг.
Арбаз къынгырды да, ийнек сауалмайма.
Айтылгъан сёз ызына къайтмаз.
Джыланны къуйругъундан басарынг келсе, аны башы болгъанын унутма.
Аман къатын алгъан, арыр, иги къатын алгъан джарыр.
Ауузу бла къуш тута айланады.
Ёлюр джаннга, ёкюл джокъ.
Айырылмаз джууугъунга, унутмаз сёзню айтма.
Байлыкъ тауусулур, билим тауусулмаз.
Рысхы джалгъанды: келген да этер, кетген да этер.
Джеринден айырылгъан – джети джылар, джуртундан айырылгъан – ёлгюнчю джылар.
Джыгъылгъанны сырты джерден тоймаз.
Биреуге кёлтюрген таягъынг, кесинги башынга урур.
Намыс болмагъан джерде, насыб болмаз.
Эринчекни аурууу – кёб.
