Адебни адебсизден юрен.
Абынмазлыкъ аякъ джокъ, джангылмазлыкъ джаякъ джокъ.
Бетинги сатма, малынгы сат.
Мухарны эси – ашарыкъда.
Иги – алгъыш этер, аман – къаргъыш этер.
Тойгъа алгъа да барма, тойда артха да къалма.
Эр сокъур болсун, къатын тилсиз болсун.
Джетген къыз джерли эшекни танымаз.
Джумушакъ сёз къаты таякъны сындырыр.
Кёзюнде тереги болгъан, чёбю болгъаннга кюле эди.
Эм ашхы къайын ана мамукъ бла башынгы тешер.
Джауумдан сора, кюн кюйдюрюр, ётюрюкден сора, айыб кюйдюрюр.
Къулакъдан эсе, кёзге ышан.
Ариу джол аджал келтирмез.
Босагъагъа джууукъ орун болса, ашыгъыб тёрге озма.
Билмейме деген – бир сёз
Джылкъыдан – ат чыгъар, тукъумдан – джаш чыгъар.
Юйюнг бла джау болгъандан эсе, элинг бла джау бол.
Къан бла кирген, джан бла чыгъар.
Ашхы сёз таш тешер.
Тойгъа барсанг, тоюб бар, эски тонунгу къоюб бар.
Байлыкъ адамны сокъур этер.
Аууздан келген, къолдан келсе, ким да патчах болур эди.
Джиби бир къат джетмей эди да, эки къат тарта эди.
Башы джабылгъан челекге, кир тюшмез.
Кийиминг бла танылма, адамлыкъ бла таныл.
Нарт сёз къарт болмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Чабакъ башындан чирийди.
Хар ишни да аллы къыйынды.
Шапа кёб болса, аш татымсыз болур.
Азыкъ аз болса, эртде орун сал.
Итли къонакъ джарашмаз.
Кёбден умут этиб, аздан къуру къалма.
Къонагъы джокъну – шоху джокъ.
Айтылгъан сёз ызына къайтмаз.
Ашарыкъда сайлагъаннга – чий гырджын.
Къанны къан бла джуума, аманны аман бла къуума.
Ашхы болсанг, атынг чыгъар, аман болсанг, джанынг чыгъар.
Хатерли къул болур.
Ауругъаннга – кийик саулукъ, джетген къызгъа – чилле джаулукъ.
Олтуруб кёрюнмей эди да, ёрге туруб кёрюне эди.
Къонакъны къачан кетерин сорма, къачан келлигин сор.
Ашын ашагъанынгы, башын да сыйла.
Аман къатын алгъан, арыр, иги къатын алгъан джарыр.
Биреу ашаб къутулур, биреу джалаб тутулур.
Атынг аманнга чыкъгъандан эсе, джанынг тамагъынгдан чыкъсын.
Окъугъан озар, окъумагъан тозар.
Билимли ёлмез, билимсиз кёрмез.
Сёз сёзню айтдырыр.
