Хансыз джомакъ болмаз.
Абынмазлыкъ аякъ джокъ, джангылмазлыкъ джаякъ джокъ.
Этим кетсе да, сюегим къалыр.
Ашда – бёрю, ишде – ёлю.
Ашатыргъа иш – ашхы, ишлетирге аш – ашхы.
Ишлерге уял да, ашаргъа табма.
Ауузу бла къуш тута айланады.
Къарт айтханны этмеген, къартаймаз.
Ач келгенни – тойдур, кеч келгенни – къондур.
Ашхы адам – халкъ байлыгъы, ашхы джер – джашау байлыгъы.
Биреуню тёрюнден, кесинги эшик артынг игиди.
Битмегеннге сакъал – танг.
Суу да къайтады чыкъгъан джерине.
Баланы адам этген анады.
Айранны сюйген, ийнек тутар.
Эл бла кёргенинг эрелей.
Бети – къучакълар, джюреги – бычакълар.
Танг атмайма десе да, кюн къоярыкъ тюйюлдю.
Кесинг сынамагъан затны, адамгъа буюрма.
От этилмеген джерден тютюн чыкъмайды.
Акъыллы эркиши атын махтар, акъылсыз эркиши къатынын махтар.
Адам къаллай бир ишленмесе, аллай бир кесин уллу кёреди.
Ашхы сёз таш тешер.
Арбаз сайлама да, хоншу сайла.
Къууут – джелге, берне – бошха.
Хоншуну тауугъу къаз кёрюнюр, келини къыз кёрюнюр.
Ашыкъгъан cуу, тенгизге джетмез.
Сангырау къулакъ эл бузар.
Чабакъ башындан чирийди.
Асхат ашлыкъ сата, юйдегиси ачдан къата.
Башда акъыл болмаса, эки аякъгъа кюч джетер.
Баргъанынга кёре болур келгенинг.
Джыланны къуйругъундан басарынг келсе, аны башы болгъанын унутма.
Алгъанда – джууукъ, бергенде – джау.
Кёрмегеннге кебек – танг, битмегеннге сакъал – танг.
Къаллай салам берсенг, аллай джууаб алырса.
Тенгни тенглиги джашай барсанг билинир.
«Ма», - дегенни билмесенг, «бер», - дегенни билмезсе.
Эки итни арасына сюек атма, эки адамны арасында сёз чыгъарма.
Чомартха Тейри да борчлуду.
Уясында не кёрсе, учханында аны этер.
Шайтан алдады, тюзлюк къаргъады.
Иги – алгъыш этер, аман – къаргъыш этер.
Ышармагъан – кюлмез, кюлмеген – къууанчны билмез.
Билмезни кёзю кёрмез, этмезни къулагъы эшитмез.
Хата – гитчеден.
Акъыл бла адеб эгизледиле.
Бети бедерден, намыс сакълама.
Къонагъы джокъну – шоху джокъ.
Адамны джюреги нени кёрюрге сюйсе, кёзю да аны кёрюрге ёч болады.
