Эки къатын алгъан – эки ташны ортасына башын салгъан.
Эли джокъну – кёлю джокъ.
Къартны бурнун сюрт да, оноугъа тут.
Джылыгъа джылан илешир.
Кёл – къызбай, къол – батыр.
Кийиминг бла танылма, адамлыкъ бла таныл.
Джашлыкъ этмеген, башлыкъ этмез.
Магъанасыз сёз – тауушсуз сыбызгъы.
Кёзю сокъурдан – къоркъма, кёлю сокъурдан – къоркъ.
Зарда марда джокъ.
Насыблы элин сюер, насыбсыз кесин сюер.
Сабыр джетер муратха, сабырсыз къалыр уятха.
Къоркъакъны кёзю экили кёрюр.
Айырылгъанланы айю ашар, бёлюннгенлени бёрю ашар.
Кёз – сюйген джерде, къол – ауругъан джерде.
Къызын тута билмеген, тул этер, джашын тута билмеген, къул этер.
Атлыны ашхысы, ат тизгининден билинир
Ишленмеклик адамлыкъды.
Биреуге аманлыкъны тилеме да, кесинге ашхылыкъны тиле.
Бетинги сатма, малынгы сат.
Бек ашыкъгъан меннге джетсин, дегенди аракъы.
Шапа кёб болса, аш татымсыз болур.
Рысхы – насыбха къор.
Адамны джюреги нени кёрюрге сюйсе, кёзю да аны кёрюрге ёч болады.
Эркишини аманы тиширыуну джылатыр.
Аманнга да, игиге да оноусуз къатышма.
Аякъларынгы джууургъанынга кёре узат.
Дуния мал дунияда къалады.
Таш бла ургъанны, аш бла ур.
Аджал соруб келмез, келсе, къайтыб кетмез.
Ашхы атаны – джашы ашхы, ашхы ананы – къызы ашхы.
Чакъырылмагъан джерге барма, чакъырылгъан джерден къалма.
Таугъа чыгъаллыкъ эсенг, тюзде къалма.
Къонакъ аман болса, къонакъбай джунчур
Агъач халкъгъа алтынды, иссиликге салкъынды.
Малны кют, джерни тюрт.
Ышармагъан – кюлмез, кюлмеген – къууанчны билмез.
Уллу суу бла уллу ауруудан башынгы сакъла.
Тура эдим джата, къайдан чыкъды хата?
Чыкълы кюнде чыкъмагъан, чыкъса къуру кирмеген.
Аджашханны ызындагъы кёреди, джангылгъанны джанындагъы биледи.
Билим къая тешер.
Бет бетге къараса, бет да джерге къарар.
Кёбню кёрген – кёб билир.
Ашхылыкъ джерде джатмайды, аманлыкъ суугъа батмайды.
Ашхы – джыяр, аман – джояр.
Дженгил джетерикме деб, узун джолну къоюб, къысхасын барма.
Кийим тукъум сордурур.
Ишлерге уял да, ашаргъа табма.
Мени джылытмагъан кюн, меннге тиймесин!
