Къарнынг тойгъунчу аша да, белинг талгъынчы ишле.
Къуру гыбыт бек дыгъырдар.
Огъурлуну сёзю – суу, огъурсузну сёзю – уу.
Джыгъылгъанны сырты джерден тоймаз.
Этек чакъмакълары баш джаргъан, сёлешген сёзлери таш джаргъан.
Ишлерге уял да, ашаргъа табма.
Тойгъа барсанг, тоюб бар, эски тонунгу къоюб бар.
Къайтырыкъ эшигинги, къаты уруб чыкъма.
Онгсузну – джакъла, тенгликни – сакъла.
Джангыз терек къынгыр ёсер.
Джылыгъа джылан илешир.
Чомарт джарлы болмаз.
Джигер – джаннга къыйынлыкъ.
Эр сокъур болсун, къатын тилсиз болсун.
Кютгени беш эчки, сызгъыргъаны уа, джерни джарады.
Намысы джокъну – дуниясы джокъ.
Джашны джигитлиги сорулур, къызны джигерлиги сорулур.
Эки къатын алгъан – эки ташны ортасына башын салгъан.
Хантына кёре тузу, юйюне кёре къызы.
Окъугъанны бети джарыкъ.
Окъуусуз билим – джокъ, билимсиз кюнюнг – джокъ.
Минг тенг да азды, бир джау да кёбдю.
Баш болса, бёрк табылыр.
Зарда марда джокъ.
Эллинг бла джау болсанг да, юйюнг бла джау болма.
Ким бла джюрюсенг, аны кёзю бла кёрюнюрсе.
Мадар болса, къадар болур.
Чакъырылгъанны аты, чакъырылмагъанны багъасы болур.
Дуния малгъа сатылма, кесингден телиге къатылма.
Кесинг сынамагъан затны, адамгъа буюрма.
Насыб бютеу халкъны юлюшюдю.
Къошда джокъгъа – юлюш джокъ.
Орундукъ тюбюнде атылсам да, орта джиликме, де да айлан.
Ёнгкюч къууана барыр, джылай келир.
Ариу сёз аурууунгу алыр.
Узун джолну барсанг, бюгюн келирсе, къысха джолну барсанг, тамбла келирсе.
Аман адам элни бир-бирине джау этер.
Къазанда болса, чолпугъа чыгъар.
Керти сёзге тёре джокъ.
Джаш болсун, къыз болсун, акъылы, саны тюз болсун.
Тас болгъан бычакъны сабы – алтын.
Аманны тукъумуна къарама, игини тукъумун сорма.
Иесиз малны бёрю ашар.
Джылар джаш, атасыны сакъалы бла ойнар.
Тойгъан джерге джети къайт.
Болджал ишни бёрю ашар.
Арпа, будай – ащды, алтын, кюмюш а – ташды.
Джангыз торгъай джырламаз.
Къулакъдан эсе, кёзге ышан.
Насыблыны баласы кюн кюнден да баш болур, насыбсызны баласы, кюн кюнден да джаш болур.
