Ётген ёмюр – акъгъан суу.
Джахил болса анасы, не билликди баласы?
Тилде сюек болмаса да, сюек сындырыр.
Ишленмеген джаш – джюгенсиз ат, ишленмеген къыз – тузсуз хант.
Башда акъыл болмаса, эки аякъгъа кюч джетер.
Аманны эки битли тону болур, бирин сеннге кийдирир, бирин кеси киер.
Чёбню кёлтюрсенг, тюбюнден сёз чыгъар.
Эр сокъур болсун, къатын тилсиз болсун.
Адамны аманы адамны бети бла ойнар.
Джюрек кёзден алгъа кёрюр.
Сютден ауузу кюйген, суугъа юфгюре эди.
Аш кетер да бет къалыр.
Къартны сыйын кёрмеген, къартлыгъында сыйлы болмаз.
Къан бла кирген, джан бла чыгъар.
Джолунга кёре – джюрюшюнг, джагъанга кёре – юлюшюнг.
Тил джюрекге джол ишлейди.
Чыбыкълыкъда бюгюлмеген, къазыкълыкъда бюгюлмей эди.
Аман эсирсе, юйюн ояр.
Тенги кёбню джау алмаз, акъылы кёбню дау алмаз.
Аманнга алтын чыдамаз.
Тил бла келеди джыр да.
Джумушакъ сёз къаты таякъны сындырыр.
Арба аугъандан сора, джол кёргюзтюучю кёб болур.
Къарны аманнга къазан такъдырма, къолу аманнга от джакъдырма.
Тёгюлген тюгел джыйылмайды.
Къалгъан ишге къар джауар.
Шекер бла туз – бир болмаз, ушамагъан – юй болмаз.
Оюмсуз атлагъан, аджалсыз ёлюр.
Къая джолда джортма, ачыкъ сёзден къоркъма.
Сибиртки да сыйлы болду, кюрек да кюнлю болду.
Тил – миллетни джаны.
Адамны адамлыгъы къыйынлыкъда айгъакъланады.
Тюз сёз баргъан сууну тыяр.
Айырылгъанланы айю ашар, бёлюннгенлени бёрю ашар.
Джарлы джети элни сёзюн этер.
Халкъгъа джарагъан, джарлы къалмаз.
Садакъачыны джаны – къапчыгъында.
Иши джокъну, сыйы джокъ.
Къарнынг къанлынга кийирир.
Тамбла алтындан бюгюн багъыр ашхы.
Эринчекни аурууу – кёб.
Кёб къычыргъандан – къоркъма, тынч олтургъандан – къоркъ.
Бир онгсуз адам адет чыгъарды, деб эштирик тюлсе.
Тамырсыз терекге таянма – джыгъылырса.
Ётюрюкню башын керти кесер.
Къайгъы тюбю – тенгиз.
Суу кетер, таш къалыр.
Баш болса, бёрк табылыр.
Экеу тутушса, биреу джыгъылыр.
Ач къалгъандан, кеч къалгъан къолай.
