Къызбайны юйюне дери сюрсенг, батыр болур.
Джыйырма къойну юч джыйырма эбзе кюте эди.
Байдан умут эте, джарлыдан ёгюз багъасы къорады.
Ариу – кёзге, акъыл – джюрекге.
Суу ичген шауданынга тюкюрме.
Аджашхан тёгерек айланыр.
Аурууну келиую тынч, кетиую – къыйын.
Эшекге миннген – биринчи айыб, андан джыгъылгъан – экинчи айыб.
Эл бла кёргенинг эрелей.
Ойнаб айтсанг да, эслеб айт.
Джашлыкъ этмеген, башлыкъ этмез.
Баланы адам этген анады.
Гугурук къычырмаса да, тангны атары къалмаз.
Мени джылытмагъан кюн, меннге тиймесин!
Шайтан алдады, тюзлюк къаргъады.
Иги бла джюрюсенг, джетерсе муратынга, аман бла джюрюсенг, къалырса уятха.
Суу кетер, таш къалыр.
Таукелге нюр джауар.
Сибиртки да сыйлы болду, кюрек да кюнлю болду.
Тойгъа барсанг, тоюб бар, эски тонунгу къоюб бар.
Джол бла сёзню къыйыры джокъ.
Окъуу – билимни ачхычы, окъуу – дунияны бачхычы.
Ана – юйню кюн джарыгъы.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ишлегенден, къарагъан уста.
Айтылгъан буйрукъ, сёгюлмез
Чомартны къолу берекет.
Чомарт къолда мал къалмаз.
Аман къатын сабий табса, бий болур…
Иги сёз – джаннга азыкъ, аман сёз башха – къазыкъ.
Абынмазлыкъ аякъ джокъ, джангылмазлыкъ джаякъ джокъ.
Аш берме да, къаш бер.
Окъ къызбайны джокълайды.
Ата Джуртун танымагъан, атасын да танымаз.
Къыз келсе, джумуш эте келеди, къатын келсе, ушакъ эте келеди.
Тамырсыз терекге таянма – джыгъылырса.
Джумушакъ терекни къурт ашар.
Адамны артындан къара сабан сюрме.
Къонакъ аз олтурур, кёб сынар.
Джюрек кёзден алгъа кёрюр.
Чыбыкълыкъда бюгюлмеген, къазыкълыкъда бюгюлмей эди.
Чабар ат – джетген къыз.
Кёбден умут этиб, аздан къуру къалма.
Киштикге къанат битсе, чыпчыкъ къалмаз эди.
Ашхы адам – халкъ байлыгъы, ашхы джер – джашау байлыгъы.
Къарт болгъан джерде, берекет болур, сабий болгъан джерде, оюн болур.
Адеб базарда сатылмаз.
Башланнган иш битер, къымылдагъан тиш тюшер.
Тойгъа алгъа да барма, тойда артха да къалма.
Адам сёзюнден белгили.
