Халкъны джырын джырласанг, халкъ санга эжиу этер.
Биреуню тёрюнден, кесинги эшик артынг игиди.
Кийиминг бла танылма, адамлыкъ бла таныл.
Къонакъ хазыр болгъанлыкъгъа, къонакъбай хазыр тюлдю.
Агъач – джерни чырайы, кийим – эрни чырайы.
Атадан ёксюз – бир ёксюз, анадан ёксюз – эки ёксюз.
Ашда уялгъан – мухар, ишде уялгъан – хомух.
Джети тилни билген джети кишиди.
Къартха ушагъан джаш – акъыллы, джашха ушагъан къарт – тели.
Ойнаб айтсанг да, эслеб айт.
Адам къыйынлыгъын кёлтюрюр, зауукълугъун кёлтюрмез.
Арыгъан къош чамчы болур.
Тура эдим джата, къайдан чыкъды хата?
Кёпюр салгъан кеси ётер, уру къазгъан кеси кетер.
Аджал соруб келмез, келсе, къайтыб кетмез.
Эшекге миннген – биринчи айыб, андан джыгъылгъан – экинчи айыб.
Кесинг сынамагъан затны, адамгъа буюрма.
Аман эсирсе, юйюн ояр.
Аманны эки битли тону болур, бирин сеннге кийдирир, бирин кеси киер.
Джангыз терек къынгыр ёсер.
Акъыллы айтыр эди, акъылсыз къоймайды.
Биреуге аманлыкъны тилеме да, кесинге ашхылыкъны тиле.
Тойгъан джерге джети къайт.
Джогъун бар этген, барын бал этген.
Ёлген ийнек сютлю болур.
Халкъгъа джарагъан, джарлы къалмаз.
Эм ашхы къайын ана мамукъ бла башынгы тешер.
Чабакъгъа акъыл, табагъа тюшсе келеди.
Ариу сёз – джаннга азыкъ, аман сёз – башха къазыкъ.
Айырылмаз джууугъунга, унутмаз сёзню айтма.
Бети къызарыучу адамны, джюреги харам болмаз.
Бал ашаргъа сюе эсенг, чибин ургъаннга тёз.
Орну джокъну – сыйы джокъ.
Бойнуму джети джерден кессенг да, мен ол ишни этеллик тюлме.
Термилгенинги табмазса, кюлгенинге тюберсе.
Кёрмегеннге кебек – танг, битмегеннге сакъал – танг.
Адамны бетине къарама, адетине къара.
Хазыр ашха – терен къашыкъ.
Иги бла джюрюсенг, джетерсе муратынга, аман бла джюрюсенг, къалырса уятха.
Аджашханны ызындагъы кёреди, джангылгъанны джанындагъы биледи.
Бек ашыкъгъан меннге джетсин, дегенди аракъы.
Аман хансны – урлугъу кёб.
Джыгъылгъанны сырты джерден тоймаз.
Сёз сёзню айтдырыр.
Ёзденликни джайгъан – джокълукъ.
Айыбны суу бла джууалмазса.
Узун джолну барсанг, бюгюн келирсе, къысха джолну барсанг, тамбла келирсе.
Атынг аманнга чыкъгъандан эсе, джанынг тамагъынгдан чыкъсын.
Юреннген ауруу къалмаз.
Ашарыкъда сайлагъаннга – чий гырджын.
