Аууз сакълагъан – джан сакълар.
Айныгъанлы алты кюн, тогъайгъанлы тогъуз кюн.
Аман къатын сабий табса, бий болур…
Ашхы болсанг, атынг чыгъар, аман болсанг, джанынг чыгъар.
Ата – баланы уясы.
Эки итни арасына сюек атма, эки адамны арасында сёз чыгъарма.
Джолда аягъынга сакъ бол, ушакъда тилинге сакъ бол.
Ишлемеген – тишлемез.
Кёлю джокъну – джолу джокъ.
Къарнынг тойгъунчу аша да, белинг талгъынчы ишле.
Билимден уллу байлыкъ джокъду.
Ач къарным, тынч къулагъым.
Тил – кесген бычакъ, сёз – атылгъан окъ.
Ётюрюкчюню шагъаты – къатында.
Ач – эснер, ат – кишнер.
Ёгюзню мюйюзюнден тутадыла, адамны сёзюнден тутадыла.
Экиндини кеч къылсанг, чабыб джетер ашхам.
Билими азны – ауузунда кирит.
Джарлыны эшигин махтагъан джабар.
Джюз элде джюз ёгюзюм болгъандан эсе, джюз джууугъум болсун.
Хар адамгъа кеси миннген тау кибик.
Къошда джокъгъа – юлюш джокъ.
Ашда – бёрю, ишде – ёлю.
Аман къатын алгъан, арыр, иги къатын алгъан джарыр.
Ёксюзню къалачы уллу кёрюнюр.
Эрине къаргъыш этген къатын, эрнин къабар.
Чомарт джарлы болмаз.
Байлыкъдан саулукъ ашхыды.
Келлик заман – къартлыкъ келтирир, кетген заман – джашлыкъ ёлтюрюр.
Сютден ауузу кюйген, суугъа юфгюре эди.
Тёрдеги кюлсе, эшикдеги ышарыр.
Абынмазлыкъ аякъ джокъ, джангылмазлыкъ джаякъ джокъ.
Джарлыны тону джаз битер.
Къууут – джелге, берне – бошха.
Къобан да къуру да къобханлай турмайды, адам да къуру да патчахлай турмайды.
Ач къалгъандан, кеч къалгъан къолай.
Джети тилни билген джети кишиди.
Насыблы элин сюер, насыбсыз кесин сюер.
Эртде тургъан бла эртде юйленнген сокъуранмаз.
Чомартха Тейри да борчлуду.
Келгинчи, къонакъ уялыр, келгенден сора, къонакъбай уялыр.
Керти сёзге тёре джокъ.
Джумушакъ терекни къурт ашар.
Душманны тышы – акъ, ичи – къара.
Билимли ёлмез, билимсиз кёрмез.
Хаухну атма, ёнгкючню сатма.
Тенгни тенглиги джашай барсанг билинир.
Бети бедерден, намыс сакълама.
Оюмсуз атлагъан, аджалсыз ёлюр.
Къызны минг тилер, бир алыр.
