Миллетни бойну – базыкъ, аны бла кюрешген – джазыкъ.
Келгинчи, къонакъ уялыр, келгенден сора, къонакъбай уялыр.
Ауругъанны сау билмез, ач къарынны токъ билмез.
Ичимден чыкъды хата, къайры барайым сата?
Элге къуллукъ этмеген, элге ие болмаз.
Эм ашхы къайын ана мамукъ бла башынгы тешер.
Ауузу бла къуш тута айланады.
Джюрек кёзден алгъа кёрюр.
Аз сёлеш, кёб ишле.
Джаханимни кёрмей, джандетге кёл салмазса.
Аджашхан тёгерек айланыр.
Aдам боллукъ, сыфатындан белгили.
Къобан да къуру да къобханлай турмайды, адам да къуру да патчахлай турмайды.
Ашда – бёрю, ишде – ёлю.
Тойну къарнашы – харс, джырны къарнашы – эжиу.
Эркиши – от, тиширыу – суу.
Кёпюр салгъан кеси ётер, уру къазгъан кеси кетер.
Къарны аманнга къазан такъдырма, къолу аманнга от джакъдырма.
Битмегеннге сакъал – танг.
Иши джокъну, сыйы джокъ.
Эртде тургъан бла эртде юйленнген сокъуранмаз.
Кийимни бир кюнню аясанг, минг кюннге джарар.
Ёнгкюч къууана барыр, джылай келир.
Башда акъыл болмаса, эки аякъгъа кюч джетер.
Адебсиз адам – джюгенсиз ат.
Билмезни кёзю кёрмез, этмезни къулагъы эшитмез.
Атадан ёксюз – бир ёксюз, анадан ёксюз – эки ёксюз.
Бети къызарыучу адамны, джюреги харам болмаз.
Адам сёзге тынгыла, акъыл сёзню ангыла.
Билимсиз иш бармаз.
Джылкъыдан – ат чыгъар, тукъумдан – джаш чыгъар.
Къыз тиширыу кеси юйюнде да къонакъды.
Рысхысына кёре, джаш ёсер, къышлыгъына кёре, мал ёсер.
Бети – къучакълар, джюреги – бычакълар.
Къыз келсе, джумуш эте келеди, къатын келсе, ушакъ эте келеди.
Биреу къой излей, биреу той излей.
Соргъан айыб тюлдю, билмеген айыбды.
Кёзню ачылгъаны – иги, ауузну джабылгъаны – иги.
Аманнга игилик этсенг, юйюнге сау бармазса.
Бек ашыкъгъан меннге джетсин, дегенди аракъы.
Тёрени джагъы джокъ.
Билеги кючлю, бирни джыгъар, билими кючлю, мингни джыгъар.
Намыс сатылыб алынмайды.
Джауумдан сора, кюн кюйдюрюр, ётюрюкден сора, айыб кюйдюрюр.
Татлы тилде – сёз ариу, чемер къолда – иш ариу.
Абынмазлыкъ аякъ джокъ, джангылмазлыкъ джаякъ джокъ.
Ёлген эшек бёрюден къоркъмайды.
Иги сёз – джаннга азыкъ, аман сёз башха – къазыкъ.
Джукъу тёшек сайламайды.
Бек анасы джыламаз.
