Байлыкъ адамны сокъур этер.
Окъдан джара эртде-кеч болса да бителир, сёз джара, ёмюрге къалыр.
Кенгеш болса, уруш болмаз.
Кёзю сокъурдан – къоркъма, кёлю сокъурдан – къоркъ.
Башланнган иш битер, къымылдагъан тиш тюшер.
Тойгъан джерге джети къайт.
Айран ичген – къутулду, джугъусун джалагъан – тутулду.
Бек ашыкъгъан меннге джетсин, дегенди аракъы.
Эллинг бла джау болсанг да, юйюнг бла джау болма.
Гыдай эчки суугъа къараб, мюйюзле кёрмесе, джашма алкъын, дегенди.
Байны къызы баймакъ болса да, юйде къалмаз!
Татлы тилде – сёз ариу, чемер къолда – иш ариу.
Биреуню къыйынлыгъы бла кесинге джол ишлеме.
Эм ашхы къайын ана мамукъ бла башынгы тешер.
Къартны сыйын кёрмеген, къартлыгъында сыйлы болмаз.
Ётюрюкден тюбю джокъ, кёлтюрюрге джиби джокъ.
Бойнуму джети джерден кессенг да, мен ол ишни этеллик тюлме.
Къарнынг ауруса, ауузунгу тый
Ашын ашагъанынгы, башын да сыйла.
Дуния малгъа сатылма, кесингден телиге къатылма.
Хаухну атма, ёнгкючню сатма.
Хатерли къул болур.
Джаш къарыу бла кючлю, къарт акъыл бла кючлю.
Аман киши кеси юйюнде – къонакъ.
Шайтан алдады, тюзлюк къаргъады.
Къанны къан бла джуума, аманны аман бла къуума.
Чабар ат – джетген къыз.
Хата – гитчеден.
Окъугъан озар, окъумагъан тозар.
Байдан умут эте, джарлыдан ёгюз багъасы къорады.
Аджашхан тёгерек айланыр.
Бал чибинни ургъаны – ачы, балы – татлы.
Кёпюр салгъан кеси ётер, уру къазгъан кеси кетер.
Хоншуну тауугъу къаз кёрюнюр, келини къыз кёрюнюр.
Ач отунчуну ачыуу – бурнунда.
Ишлемеген – тишлемез.
Билими азны – ауузунда кирит.
Ёлюк кебинсиз къалмаз.
Ёзденликни джайгъан – джокълукъ.
Акъдан къара болмаз.
Аууз сакълагъан – джан сакълар.
Азыкълы ат арымаз, къатыны аман джарымаз.
Джигер – джаннга къыйынлыкъ.
Уллу къашыкъ эрин джыртар.
Къонагъы джокъну – шоху джокъ.
Aдам боллукъ, сыфатындан белгили.
Тилде сюек болмаса да, сюек сындырыр.
Джаралыны джастыгъында сау ёлюр.
Сютден ауузу кюйген, суугъа юфгюре эди.
Аман эсирсе, юйюн ояр.
