Билимден уллу байлыкъ джокъду.
Сабыр джетер муратха, сабырсыз къалыр уятха.
Байны къызы баймакъ болса да, юйде къалмаз!
Кёбге таш атма.
Ёмюрлюк шохлукъну джел элтмез.
Байма, деб да, къууанма, джарлыма, деб да, джылама.
Къайтырыкъ эшигинги, къаты уруб чыкъма.
Ач къалгъандан, кеч къалгъан къолай.
Байлыкъдан саулукъ ашхыды.
Аман киши кеси юйюнде – къонакъ.
Эри аманны, къатыны – аман.
Туз, гырджын аша, тюзлюк бла джаша.
Ариу сёз аурууунгу алыр.
Чакъырылмагъан къонакъ къачан кетерин сормаз.
Ойнай билмеген, оюн бузар.
Джюз элде джюз ёгюзюм болгъандан эсе, джюз джууугъум болсун.
Тилчиден кери бол.
Уллу къазанда бишген эт, чий къалмаз.
Тойгъанлыкъ къойгъа джарашады.
Къазанны башы ачыкъ болса, итге уят керекди.
Аман эсирсе, юйюн ояр.
Ёлген эшек бёрюден къоркъмайды.
Окъдан джара эртде-кеч болса да бителир, сёз джара, ёмюрге къалыр.
Ачлыкъда тары гырджын халыуадан татлы.
Ауругъан – джашаудан умутчу.
Урама да – ёледи, сатама да – келеди.
Сёлеш деб шай берген, тохта деб, сом берген.
Атынг аманнга чыкъгъандан эсе, джанынг тамагъынгдан чыкъсын.
Ариу сёз – джаннга азыкъ, аман сёз – башха къазыкъ.
Агъач – джерни чырайы, кийим – эрни чырайы.
Намыс сатылыб алынмайды.
Аджал соруб келмез, келсе, къайтыб кетмез.
Къобан да къуру да къобханлай турмайды, адам да къуру да патчахлай турмайды.
Къуллукъчума, деб махтанма, къуллукъ – хаух джамчыды!
Тамырсыз терекге таянма – джыгъылырса.
Сёз садакъдан кючлюдю.
Адеб джокъда, намыс джокъ.
Ауругъаннга – кийик саулукъ, джетген къызгъа – чилле джаулукъ.
Адамны адамлыгъы къыйынлыкъда айгъакъланады.
Элиб деген, элге болушур.
Берекет берсин деген джерде, берекет болур.
Шекер бла туз – бир болмаз, ушамагъан – юй болмаз.
Кёб ант этген, кёб ётюрюк айтыр.
Къайгъы тюбю – тенгиз.
Сормай – алма, чакъырылмай – барма.
Садакъачыны джаны – къапчыгъында.
Термилгенинги табмазса, кюлгенинге тюберсе.
Байдан умут эте, джарлыдан ёгюз багъасы къорады.
Ышармагъан – кюлмез, кюлмеген – къууанчны билмез.
Биреуню къыйынлыгъы бла кесинге джол ишлеме.
