Ким бла джюрюсенг, аны кёзю бла кёрюнюрсе.
Эр сокъур болсун, къатын тилсиз болсун.
Айырылмаз джууугъунга, унутмаз сёзню айтма.
Тойгъан антын унутур.
Аман киши кеси юйюнде – къонакъ.
Айраннга суу къош, телиге джол бош.
Аллахдан тилесенг, кёб тиле.
Ашхы тенг джолгъа салыр, аман тенг джолдан тайдырыр.
Ётюрюкчюню шагъаты – къатында.
Тау башында, тау болмаз, джангыз терек, бау болмаз.
Окъугъанны бети джарыкъ.
Aдам боллукъ, сыфатындан белгили.
Тенгни тенглиги джашай барсанг билинир.
Тешигини къатында, чычхан да батыр болур.
Ёнгкюч къууана барыр, джылай келир.
Къанны къан бла джуума, аманны аман бла къуума.
Къобан да къуру да къобханлай турмайды, адам да къуру да патчахлай турмайды.
Ашына кёре табагъы, балына кёре къалагъы.
Сёз – кюмюш, джыр – алтын.
Нафысынгы айтханын этме, намысынгы айтханын эт.
Ариу сёзде ауруу джокъ.
Мен да «сен», дейме, сен да «кесим», дейсе.
Ата Джуртун танымагъан, атасын да танымаз.
Джаралыны джастыгъында сау ёлюр.
Юйюнг бла джау болгъандан эсе, элинг бла джау бол.
Иги сёз – джаннга азыкъ, аман сёз башха – къазыкъ.
Ат да турмайды бир териде.
Тёрде – темир таякълы, къаяда – чыпчыкъ аякълы.
Эшекни не къадар тюйсенг да, ат болмаз.
Гугурук къычырмаса да, тангны атары къалмаз.
Байлыкъ келсе, акъыл кетер.
Джарлыны эшигин махтагъан джабар.
Айныгъанлы алты кюн, тогъайгъанлы тогъуз кюн.
Джангыз терек къынгыр ёсер.
Ашхы адам – халкъ байлыгъы, ашхы джер – джашау байлыгъы.
Къуру гыбыт бек дыгъырдар.
Эри аманны, къатыны – аман.
Мураты болгъанны джюрек тебюую башхады.
Биреуге кёлтюрген таягъынг, кесинги башынга урур.
Адам боллукъ, атламындан белгили болур.
Чакъырылмай келген къонакъ сыйланмай кетер.
Джерни букъусу кёкге къонмаз.
Бети – къучакълар, джюреги – бычакълар.
Кийимни бичсенг, кенг бич, тар этген къыйын тюлдю.
Аш иеси бла татлыды.
Кёзюнде тереги болгъан, чёбю болгъаннга кюле эди.
Аурууну келиую тынч, кетиую – къыйын.
Малны кют, джерни тюрт.
От этилмеген джерден тютюн чыкъмайды.
Битмегеннге сакъал – танг.
