- Алгъанда – джууукъ, бергенде – джау.
- Баш – акъыл ючюн, акъылман – халкъ ючюн.
- Къартха ушагъан джаш – акъыллы, джашха ушагъан къарт – тели.
- Сёз къанатсыз учар.
- Джарлыны эшигин махтагъан джабар.
- Кёз – сюйген джерде, къол – ауругъан джерде.
- Ашха уста, юйюнде болсун
- Борчунг бар эсе, хурджунунга ойлаб узал.
- Тил – миллетни джаны.
- Къонакъ аз олтурур, кёб сынар.
- Терек ауса, отунчу – кёб.
- Тас болгъан бычакъны сабы – алтын.
- Чакъырылмагъан къонакъ – орунсуз.
- Эллинг бла джау болсанг да, юйюнг бла джау болма.
- Кесинг сынамагъан затны, адамгъа буюрма.
- Терслик кетер, тюзлюк джетер.
- Билим насыб берир, билим джолну керир.
- Кёкдеги болмаса, джердегин кёрмейди.
- Къайтырыкъ эшигинги, къаты уруб чыкъма.
- Къызбайны юйюне дери сюрсенг, батыр болур.
- Къобан да къуру да къобханлай турмайды, адам да къуру да патчахлай турмайды.
- Эртде тургъан бла эртде юйленнген сокъуранмаз.
- Джырчы джырчыгъа – къарнаш.
- Сууда джау джокъ, кёб сёзде магъана джокъ.
- Арыгъан къош чамчы болур.
- Ишин билген, аны сыйын чыгъарады.
- От этилмеген джерден тютюн чыкъмайды.
- Чалманны аллы къалай башланса, арты да алай барады.
- Кийимни бир кюнню аясанг, минг кюннге джарар.
- Харам къарнашдан, халал тенг ашхы.
- Къатын къылыкъсыз, эр тынчлыкъсыз.
- Ауругъаннга – кийик саулукъ, джетген къызгъа – чилле джаулукъ.
- Хунаны тюбюн къазсанг, юсюнге ауар.
- Ашатыргъа иш – ашхы, ишлетирге аш – ашхы.
- Суу ичген шауданынга тюкюрме.
- Телиге акъыл салгъандан эсе, ёлгеннге джан салырса.
- Джаралыны джастыгъында сау ёлюр.
- Мухардан ач ычхынмаз.
- Хар адамгъа кеси миннген тау кибик.
- Келгинчи, къонакъ уялыр, келгенден сора, къонакъбай уялыр.
- Бети – къучакълар, джюреги – бычакълар.
- Аман киши кеси юйюнде – къонакъ.
- Айырылмаз джууугъунга, унутмаз сёзню айтма.
- Мал тутхан – май джалар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эри аманны, къатыны – аман.
- Душманны тышы – акъ, ичи – къара.
- Тенгинг джокъ эсе – изле, бар эсе – сакъла!
- Келлик заман – къартлыкъ келтирир, кетген заман – джашлыкъ ёлтюрюр.
- Аш берме да, къаш бер.
Внимание!
Сообщение будет показано после одобрения модератором.
Встреча в Эльбе - Нальчик с Ахматом Созаевым
Внимание!
Сообщение будет показано после одобрения модератором.
Читают тему (гостей: 1)