- Аманны тукъумуна къарама, игини тукъумун сорма.
- Аджашханны ызындагъы кёреди, джангылгъанны джанындагъы биледи.
- Аурууну келиую тынч, кетиую – къыйын.
- Ёмюрлюк шохлукъну джел элтмез.
- Ашарыкъда сайлагъаннга – чий гырджын.
- Аман адам этегингден тутса, кес да къач.
- Керти сёзге тёре джокъ.
- Хатерли къул болур.
- Адебсиз адам – джюгенсиз ат.
- Эшекни не къадар тюйсенг да, ат болмаз.
- Иги сеники эсе да, сюйген кесимикин этеме.
- Накъырда – кертини келечиси.
- Биреуню эскиси биреуге джангы болмайды.
- Ариу сёз джыланны орнундан чыгъарыр.
- Иесиз малны бёрю ашар.
- Джетген къыз джерли эшекни танымаз.
- Билим – акъылны чырагъы.
- Татлы тилде – сёз ариу, чемер къолда – иш ариу.
- Окъуу – билимни ачхычы, окъуу – дунияны бачхычы.
- Кюлме джашха – келир башха.
- Джылар джаш, атасыны сакъалы бла ойнар.
- Эринчекни эр алмаз, эр алса да, кёл салмаз, кёл салса да, кёб бармаз!
- Борчунг бар эсе, хурджунунга ойлаб узал.
- Башы ишлегенни, ауузу да ишлер.
- Къонакъ хазыр болгъанлыкъгъа, къонакъбай хазыр тюлдю.
- Бюгюн дуния кибик, тамбла ахыратды.
- Байлыкъ адамны сокъур этер.
- Адеб этмеген, адеб кёрмез.
- Окъугъанны бети джарыкъ.
- Адамны сыфатына къарама, сёзюне къара.
- Чабакъ башындан чирийди.
- Джолда аягъынга сакъ бол, ушакъда тилинге сакъ бол.
- Ашхы – джыяр, аман – джояр.
- Аман эсирсе, юйюн ояр.
- Эки ойлашыб, бир сёлешген.
- Олтуруб кёрюнмей эди да, ёрге туруб кёрюне эди.
- Ёлген эшек бёрюден къоркъмайды.
- Айран ичген – къутулду, джугъусун джалагъан – тутулду.
- Къатыны харакетли болса, эри къымсыз болур.
- Чомартны къолу берекет.
- Чакъырылмагъан къонакъ къачан кетерин сормаз.
- Айраннга суу къош, телиге джол бош.
- Джырчы ёлсе, джыры къалыр.
- Юйюнгден чыкъдынг – кюнюнгден чыкъдынг.
- Келинни – келгинчи, бёркню кийгинчи кёр.
- Уясында не кёрсе, учханында аны этер.
- Ишлерге уял да, ашаргъа табма.
- Бир онгсуз адам адет чыгъарды, деб эштирик тюлсе.
- Баланы адам этген анады.
- Ашлыкъ – бюртюкден, джюн – тюкден.
Внимание!
Сообщение будет показано после одобрения модератором.
Встреча в Эльбе - Нальчик с Ахматом Созаевым
Внимание!
Сообщение будет показано после одобрения модератором.
Читают тему (гостей: 1)