- Ачыкъ джюрекге джол – ачыкъ.
- Джарлыны эшигин махтагъан джабар.
- Къарыусузгъа кюлме, онгсузгъа тийме.
- Эркишиге тары кебек танг кёрюнюр.
- Тенги кёбню джау алмаз, акъылы кёбню дау алмаз.
- Адамны сыфатына къарама, сёзюне къара.
- Ач отунчуну ачыуу – бурнунда.
- Мени джылытмагъан кюн, меннге тиймесин!
- Джыйырма къойну юч джыйырма эбзе кюте эди.
- Чыбыкълыкъда бюгюлмеген, къазыкълыкъда бюгюлмей эди.
- Адам къыйынлыгъын кёлтюрюр, зауукълугъун кёлтюрмез.
- Ариуну – ауруу кёб.
- Окъугъан озар, окъумагъан тозар.
- Минг тенг да азды, бир джау да кёбдю.
- Алма терегинден кери кетмез.
- Аш кетер да бет къалыр.
- Ашхы болсанг, атынг чыгъар, аман болсанг, джанынг чыгъар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тау башында, тау болмаз, джангыз терек, бау болмаз.
- Асхат ашлыкъ сата, юйдегиси ачдан къата.
- Джигер – джаннга къыйынлыкъ.
- Уруну арты – къуру.
- Къарнынг бла ёч алма.
- Аш хазыр болса, иш харам болур.
- Ашхылыкъ джерде джатмайды, аманлыкъ суугъа батмайды.
- Окъ къызбайны джокълайды.
- Тюзлюк шохлукъну бегитир.
- Ата Джуртун танымагъан, атасын да танымаз.
- Эм ашхы къайын ана мамукъ бла башынгы тешер.
- Бал – татлы, балдан да бала – татлы.
- Эки ойлашыб, бир сёлешген.
- Кийимни бир кюнню аясанг, минг кюннге джарар.
- Тынгылагъан тынгы бузар.
- Юреннген ауруу къалмаз.
- Аман къатын алгъан, арыр, иги къатын алгъан джарыр.
- Чакъырылмагъан къонакъ тёрге атламаз.
- Телиге от эт десенг, юйюнге от салыр.
- Къонагъынгы артмагъын алма да, алгъышын ал.
- Аз сёлешген, къайгъысыз турур.
- Ашхы адам – халкъ байлыгъы, ашхы джер – джашау байлыгъы.
- Ётген ёмюр – акъгъан суу.
- Кёзден кетген, кёлден да кетеди.
- Эшекни не къадар тюйсенг да, ат болмаз.
- Босагъа таш юйге кирмей эди, тыбыр таш эшикге чыкъмай эди.
- Аманнга алтын чыдамаз.
- Келинни – келгинчи, бёркню кийгинчи кёр.
- Ариу сёз – джаннга азыкъ, аман сёз – башха къазыкъ.
- Ата – баланы уясы.
- Эринчекге кюн узун.
- Ауругъан – джашаудан умутчу.
Внимание!
Сообщение будет показано после одобрения модератором.
Встреча в Эльбе - Нальчик с Ахматом Созаевым
Внимание!
Сообщение будет показано после одобрения модератором.
Читают тему (гостей: 1)