- Ётюрюкден тюбю джокъ, кёлтюрюрге джиби джокъ.
- Адамны аты башхача, акъылы да башхады.
- Джыйырма къойну юч джыйырма эбзе кюте эди.
- Итли къонакъ джарашмаз.
- Атынг аманнга чыкъгъандан эсе, джанынг тамагъынгдан чыкъсын.
- Хоншуну тауугъу къаз кёрюнюр, келини къыз кёрюнюр.
- Кирсизни – саны таза, халалны – къаны таза.
- Шапа кёб болса, аш татымсыз болур.
- Тил бла келеди джыр да.
- Къарыусузгъа кюлме, онгсузгъа тийме.
- Сёз къанатсыз учар.
- Къатын байлыкъны сюер, эр саулукъну сюер.
- Тели турса – той бузар.
- Тил – миллетни джаны.
- Акъыл сабырлыкъ берир.
- Тенгинг джокъ эсе – изле, бар эсе – сакъла!
- Къанны къан бла джуума, аманны аман бла къуума.
- Келлик заман – къартлыкъ келтирир, кетген заман – джашлыкъ ёлтюрюр.
- Къатын къылыкъсыз, эр тынчлыкъсыз.
- Оюмсуз атлагъан, аджалсыз ёлюр.
- Къаллай салам берсенг, аллай джууаб алырса.
- Акъыллы башны – тили къысха.
- Билген билмегенни юретген адетди.
- Кенгеш болса, уруш болмаз.
- Ишлемеген – тишлемез.
- Рысхысына кёре, джаш ёсер, къышлыгъына кёре, мал ёсер.
- Къобан да къуру да къобханлай турмайды, адам да къуру да патчахлай турмайды.
- Билим ат болуб да чабар, къуш болуб да учар.
- Кёпюр салгъан кеси ётер, уру къазгъан кеси кетер.
- Бермеген къол, алмайды.
- Эм ашхы къайын ана мамукъ бла башынгы тешер.
- Хансыз джомакъ болмаз.
- Ач да бол, токъ да бол – намысынга бек бол.
- Эринчекге кюн узун.
- Кёзден кетген, кёлден да кетеди.
- Къазанчы аман болса, къазаны къайнамаз.
- Таула не мийик болсала да, аууш табылыр.
- «Ма», - дегенни билмесенг, «бер», - дегенни билмезсе.
- Бал ашаргъа сюе эсенг, чибин ургъаннга тёз.
- Аманнга да, игиге да оноусуз къатышма.
- Тойгъанлыкъ къойгъа джарашады.
- Тёзген – тёш ашар!
- Ата Джуртун танымагъан, атасын да танымаз.
- Чомарт джарлы болмаз.
- Чомартны къолу берекет.
- Сабийни джумушха джибер да, ызындан бар.
- Къайтырыкъ эшигинги, къаты уруб чыкъма.
- Терслик кетер, тюзлюк джетер.
- Огъурлуну сёзю – суу, огъурсузну сёзю – уу.
- Сютню башын джалагъан къутулур, тюбюн ичген тутулур.
Книги. Что читают ваши дети?
|
Я тоже недавно столкнулась с проблемой. Моя дочь очень привередлива в плане сказок. Мне подруга посоветовала сайт
http://elena-kazimirskaja.narod2.ru/ Девочки, какие там сказки! Их немного, но ребёнок слушал затаив дыхание. Я даже в продлёнку ей их в распечатанном виде давала. Так учительница потом ещё просила. Всем рекомендую. |
||||
|
|
|
|||
Читают тему (гостей: 1)