Эльбрусоид :: Форум

Эшекге миннген – биринчи айыб, андан джыгъылгъан – экинчи айыб.
Баланы адам этген анады.
Сёз къанатсыз учар.
Иги – алгъыш этер, аман – къаргъыш этер.
Тойгъан джерге джети къайт.
Чомарт бергенин айтмаз.
Абынмазлыкъ аякъ джокъ, джангылмазлыкъ джаякъ джокъ.
Керти сёзге тёре джокъ.
Телиге акъыл салгъандан эсе, ёлгеннге джан салырса.
Алим болгъандан эсе, адам болгъан къыйынды.
Арыгъан къош чамчы болур.
Къонакъ аман болса, къонакъбай джунчур
Ариу сёз – къылычдан джити.
Бир онгсуз адам адет чыгъарды, деб эштирик тюлсе.
Зарда марда джокъ.
Эки элинги тыйсанг, джети элде махталырса.
Сабийни джумушха джибер да, ызындан бар.
Тойгъан антын унутур.
Таукел адам тау тешер.
Зар адамны насыбы болмаз.
Ашлыкъ – бюртюкден, джюн – тюкден.
Джан саулукъ бермей, сан саулукъ бермезсе.
Эки къатын алгъан – эки ташны ортасына башын салгъан.
Тилчи бир сагъатха айлыкъ хата этер.
Тойгъа барсанг, тоюб бар, эски тонунгу къоюб бар.
Билим насыб берир, билим джолну керир.
Зар адам ашынгы ашар, кесинги сатар.
Джашны джигитлиги сорулур, къызны джигерлиги сорулур.
Элни кючю – эмеген.
Эм ашхы къайын ана мамукъ бла башынгы тешер.
Кёзю сокъурдан – къоркъма, кёлю сокъурдан – къоркъ.
Чабар ат – джетген къыз.
Къонагъынгы артмагъын алма да, алгъышын ал.
Къарны аманнга къазан такъдырма, къолу аманнга от джакъдырма.
Тамырсыз терекге таянма – джыгъылырса.
Ана – юйню кюн джарыгъы.
Къызын тута билмеген, тул этер, джашын тута билмеген, къул этер.
Ашхы – джыяр, аман – джояр.
Билмезни кёзю кёрмез, этмезни къулагъы эшитмез.
Башланнган иш битер, къымылдагъан тиш тюшер.
Айраннга суу къош, телиге джол бош.
Эшекни не къадар тюйсенг да, ат болмаз.
Аджашханны ызындагъы кёреди, джангылгъанны джанындагъы биледи.
Юйлю уругъа ит чабмаз.
Сибиртки да сыйлы болду, кюрек да кюнлю болду.
Элде адам къалмаса, ит тахтагъа минер.
Ата джурт – алтын бешик.
Ач къарынны, токъ билмез
Джюрекден джюрекге джол барды.
Аманнга алтын чыдамаз.

Логин:
Пароль:
	Запомнить меня на этом компьютере

Забыли свой пароль?
Регистрация