- Тил – кесген бычакъ, сёз – атылгъан окъ.
- Аман хансны – урлугъу кёб.
- Тёрде – темир таякълы, къаяда – чыпчыкъ аякълы.
- Кютгени беш эчки, сызгъыргъаны уа, джерни джарады.
- Эки къатын алгъанны къулагъы тынгнгаймаз.
- Тау башында, тау болмаз, джангыз терек, бау болмаз.
- Ишлерге уял да, ашаргъа табма.
- Урунуу – насыбны анасы.
- Чоюнну башы ачыкъ болса, итге уят керекди.
- Ашхы болсанг, атынг чыгъар, аман болсанг, джанынг чыгъар.
- Таш бла ургъанны, аш бла ур.
- Окъуу – билимни ачхычы, окъуу – дунияны бачхычы.
- Тик ёргени, тик энгишгеси да болады.
- Джарлыны эшигин махтагъан джабар.
- Арпа, будай – ащды, алтын, кюмюш а – ташды.
- Алим болгъандан эсе, адам болгъан къыйынды.
- Халкъгъа джарагъан, джарлы къалмаз.
- Башсыз урчукъ тюзюне айланмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Билеги кючлю, бирни джыгъар, билими кючлю, мингни джыгъар.
- Гугук кесини атын айтыб къычыргъанча, мен, мен деб нек тураса?
- Ач, тоймам, дейди, тойгъан, ач болмам, дейди.
- Хунаны тюбюн къазсанг, юсюнге ауар.
- Сакъламагъан затынга джолукъсанг, не бек къууанаса, не бек ачыйса.
- Джахил болса анасы, не билликди баласы?
- Чалманны аллы къалай башланса, арты да алай барады.
- Акъыллы эркиши атын махтар, акъылсыз эркиши къатынын махтар.
- Джыгъылгъанны сырты джерден тоймаз.
- Зар адамны насыбы болмаз.
- Тешик этген тынчды, аны джамагъан къыйынды.
- Къумурсхала джыйылсала, пилни да джыгъадыла.
- Ашда уялгъан – мухар, ишде уялгъан – хомух.
- Къонакъ аман болса, къонакъбай джунчур
- Байдан умут эте, джарлыдан ёгюз багъасы къорады.
- Ишленмеклик адамлыкъды.
- Бети къызарыучу адамны, джюреги харам болмаз.
- Акъыл сабырлыкъ берир.
- Нёгерсизни джолу узун.
- Тешигини къатында, чычхан да батыр болур.
- Ойнай билмеген, оюн бузар.
- Кийимни бир кюнню аясанг, минг кюннге джарар.
- Ариу сёзде ауруу джокъ.
- Болджал ишни бёрю ашар.
- Ашха уста, юйюнде болсун
- Билимли ёлмез, билимсиз кёрмез.
- Чомарт джарлы болмаз.
- Аман адам этегингден тутса, кес да къач.
- Джарлы тюеге минсе да, ит къабар.
- Кёб джашагъан – кёб билир.
- Кюн кёрмеген, кюн кёрсе, кюндюз чыракъ джандырыр.
Профиль
|
elya
 Эльбрусоид
Cообщений: 242
Баллов: 193
Регистрация: 13.12.2011
Последний визит: 24.01.2015 06:59:28
|
|
||||||
|
|
|
||||||