Эльбрусоид :: Форум

Къалгъан ишге къар джауар.
Терслик кетер, тюзлюк джетер.
Ашхы сёз таш тешер.
Зарда марда джокъ.
Ата – билек, ана – джюрек!
Тенгинг джокъ эсе – изле, бар эсе – сакъла!
Ёпкелегенни ашы татлы болады.
Джахил болса анасы, не билликди баласы?
Эм ашхы къайын ана мамукъ бла башынгы тешер.
Уллу суу бла уллу ауруудан башынгы сакъла.
Къарт бла баш аша, джаш бла аякъ аша.
Тойгъан антын унутур.
Таукел къуру къалмаз.
Арбаз сайлама да, хоншу сайла.
Тойгъанлыкъ къойгъа джарашады.
Узун джолну барсанг, бюгюн келирсе, къысха джолну барсанг, тамбла келирсе.
Ач – эснер, ат – кишнер.
Харам къарнашдан, халал тенг ашхы.
Аш берме да, къаш бер.
Къайгъы тюбю – тенгиз.
Ауурну тюбю бла, дженгилни башы бла джюрюген.
Юре билмеген ит, къонакъ келтирир.
Итли къонакъ джарашмаз.
Мал кёб болса, джууукъ кёб болур.
Тамбла алтындан бюгюн багъыр ашхы.
Джетген къыз джерли эшекни танымаз.
Алтыда кюлмеген, алтмышда кюлмез.
Нёгер болсанг, тенг бол, тенг болмасанг, кенг бол.
Нёгерсизни джолу узун.
Джюрекден джюрекге джол барды.
Ата Джуртча джер болмаз, туугъан элча эл болмаз.
Баланы адам этген анады.
Билимли ёлмез, билимсиз кёрмез.
Окъугъан озар, окъумагъан тозар.
Бозанг болмагъан джерге, къалагъынгы сукъма.
Ётюрюк хапар аякъ тюбю бла джюрюйдю.
Дуния аламаты сен эсенг да, игиме деб айтма.
Айранын берсенг, челегин да къызгъанма.
Къозулугъунда тоймагъан, къойлугъунда тоймаз.
Къатыны харакетли болса, эри къымсыз болур.
Эшекге миннген – биринчи айыб, андан джыгъылгъан – экинчи айыб.
Эшекни не къадар тюйсенг да, ат болмаз.
Ариу сёз аурууунгу алыр.
Джыйырма къойну юч джыйырма эбзе кюте эди.
Ауругъаннга – кийик саулукъ, джетген къызгъа – чилле джаулукъ.
Къарт болгъан джерде, берекет болур, сабий болгъан джерде, оюн болур.
Ёксюзню тилеги къабыл болур.
Чоюнну башы ачыкъ болса, итге уят керекди.
Агъач – джерни чырайы, кийим – эрни чырайы.
Ышармагъан – кюлмез, кюлмеген – къууанчны билмез.

Логин:
Пароль:
	Запомнить меня на этом компьютере

Забыли свой пароль?
Регистрация