Эльбрусоид :: Форум

Хаухну атма, ёнгкючню сатма.
Суу ичген шауданынга тюкюрме.
Айырылмаз джууугъунга, унутмаз сёзню айтма.
Аш иеси бла татлыды.
Адебсиз адам – джюгенсиз ат.
Келинни – келгинчи, бёркню кийгинчи кёр.
Джюрекден джюрекге джол барды.
Иги сеники эсе да, сюйген кесимикин этеме.
Чабакъгъа акъыл, табагъа тюшсе келеди.
Намысы джокъну – дуниясы джокъ.
Окъугъан озар, окъумагъан тозар.
Узун джолну барсанг, бюгюн келирсе, къысха джолну барсанг, тамбла келирсе.
Билмейме деген – бир сёз
Аман хансны – урлугъу кёб.
Алма терегинден кери кетмез.
Ата – баланы уясы.
Джарлы тюеге минсе да, ит къабар.
Хар сёзню орну барды.
Тил бла келеди джыр да.
Арбаз сайлама да, хоншу сайла.
Игиге айтсанг – билир, аманнга айтсанг – кюлюр.
Айныгъанлы алты кюн, тогъайгъанлы тогъуз кюн.
Башынга джетмегенни сорма.
Ач отунчуну ачыуу – бурнунда.
Аш берме да, къаш бер.
Тели турса – той бузар.
Ойнаб айтсанг да, эслеб айт.
Чабакъсыз кёлге къармакъ салгъанлыкъгъа, чабакъ тутмазса.
Бети бедерден, намыс сакълама.
Эски джаугъа ышанма.
Зар адамны насыбы болмаз.
Айтылгъан буйрукъ, сёгюлмез
Билген билмегенни юретген адетди.
Айраннга суу къош, телиге джол бош.
Билими азны – ауузунда кирит.
Ашына кёре табагъы, балына кёре къалагъы.
Битмегеннге сакъал – танг.
Ариуну – ауруу кёб.
Дууулдаса – бал чибин, къонса – къара чибин.
Этек чакъмакълары баш джаргъан, сёлешген сёзлери таш джаргъан.
Билмезни кёзю кёрмез, этмезни къулагъы эшитмез.
Къатын байлыкъны сюер, эр саулукъну сюер.
Таукел адам тау тешер.
Къызны минг тилер, бир алыр.
Акъылсызны джууукъгъа алма, акъыллыны кенгнге салма.
Намыс болмагъан джерде, насыб болмаз.
Къызын тута билмеген, тул этер, джашын тута билмеген, къул этер.
Эл бла кёргенинг эрелей.
Атынг аманнга чыкъгъандан эсе, джанынг тамагъынгдан чыкъсын.
Окъ къызбайны джокълайды.

Логин:
Пароль:
	Запомнить меня на этом компьютере

Забыли свой пароль?
Регистрация