- Намыс сатылыб алынмайды.
- Кимни – тили, тиши онглу, кимни – къолу, иши онглу.
- Дуния аламаты сен эсенг да, игиме деб айтма.
- Ата – билек, ана – джюрек!
- Тин – байлыгъынг, терен саулугъунг.
- Башы джабылгъан челекге, кир тюшмез.
- Ашатыргъа иш – ашхы, ишлетирге аш – ашхы.
- Джаным-тиним – окъуу, билим.
- Абынмазлыкъ аякъ джокъ, джангылмазлыкъ джаякъ джокъ.
- Татлы сёз – балдан татлы.
- Бёрю да ач къалмасын, эчки да ашалмасын.
- Ёлген ийнек сютлю болур.
- Суугъа – таянма, джаугъа – ийнанма.
- Таугъа чыгъаллыкъ эсенг, тюзде къалма.
- Къонагъы джокъну – шоху джокъ.
- Сабыр джетер муратха, сабырсыз къалыр уятха.
- Джангыз терек къынгыр ёсер.
- Эртде тургъан бла эртде юйленнген сокъуранмаз.
- Ойнай-ойнай кёз чыгъар.
- Ёлмесенг да, къарт дамы болмазса?
- Тай асырагъан, атха минер.
- Акъыл къартда, джашда тюйюлдю – башдады.
- Къонакъ аз олтурур, кёб сынар.
- Къарнынг къанлынга кийирир.
- «Ма», - дегенни билмесенг, «бер», - дегенни билмезсе.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джашлыкъ этмеген, башлыкъ этмез.
- Тойгъан джерден туугъан джер игиди.
- Ауругъан – джашаудан умутчу.
- Джарлыны эшигин махтагъан джабар.
- Игилик игилик бла сингдирилиучю затды.
- Къарын къуру болса, джюрек уру болур.
- Тойгъан джерге джети къайт.
- Термилгенинги табмазса, кюлгенинге тюберсе.
- Къулакъдан эсе, кёзге ышан.
- Кийимни бичсенг, кенг бич, тар этген къыйын тюлдю.
- Аман адам этегингден тутса, кес да къач.
- Тёрени джагъы джокъ.
- Тюкюрюк баш джармаз, налат кёз чыгъармаз!
- Юре билмеген ит, къонакъ келтирир.
- Эки ойлашыб, бир сёлешген.
- Эрни эр этерик да, къара джер этерик да, тиширыуду.
- Тилчи тилден къаныкъмаз.
- Мухарны эси – ашарыкъда.
- Тёзгеннге, джабылгъан эшик ачылыр.
- Мал кёб болса, джууукъ кёб болур.
- Телиге от эт десенг, юйюнге от салыр.
- Сабийни джумушха джибер да, ызындан бар.
- Биреу ашаб къутулур, биреу джалаб тутулур.
- Джарашыу сюйген – джалынчакъ.
Профиль
|
|
|
|||