- Джыланны къуйругъундан басарынг келсе, аны башы болгъанын унутма.
- Джырына кёре эжиую.
- Ёлген аслан – сау чычхан.
- Билими азны – ауузунда кирит.
- Айран ичген – къутулду, джугъусун джалагъан – тутулду.
- Ёлмесенг да, къарт дамы болмазса?
- Адамны бетине къарама, адетине къара.
- Айтылгъан сёз ызына къайтмаз.
- Къазанчы аман болса, къазаны къайнамаз.
- Ата Джуртуму башы болмасам да, босагъасында ташы болайым.
- Юй ишлеген балта эшикде къалыр.
- Къарт бла баш аша, джаш бла аякъ аша.
- Адеб этмеген, адеб кёрмез.
- Къумурсхала джыйылсала, пилни да джыгъадыла.
- Кимни – тили, тиши онглу, кимни – къолу, иши онглу.
- Ашда – бёрю, ишде – ёлю.
- Джол бла сёзню къыйыры джокъ.
- Аз сёлешген, къайгъысыз турур.
- Бичгенде ашыкъма, тикгенде ашыкъ.
- Чакъырылмагъан къонакъ – орунсуз.
- Болджал ишни бёрю ашар.
- Джигер – джаннга къыйынлыкъ.
- Ашарыкъда сайлагъаннга – чий гырджын.
- Аман къатын сабий табса, бий болур…
- Мени джылытмагъан кюн, меннге тиймесин!
- Хар зат кесини орнуна иги.
- Къайтырыкъ эшигинги, къаты уруб чыкъма.
- Халкъны юйю – туугъан джери.
- Айырылмаз джууугъунга, унутмаз сёзню айтма.
- Аманны тукъумуна къарама, игини тукъумун сорма.
- Тойгъандан сора, ашны сёкме.
- Адебсиз адам – джюгенсиз ат.
- Аманнга да, игиге да оноусуз къатышма.
- Уллу къазанда бишген эт, чий къалмаз.
- Элге къуллукъ этмеген, элге ие болмаз.
- Ауругъан – джашаудан умутчу.
- Байдан умут эте, джарлыдан ёгюз багъасы къорады.
- Кёпюр салгъан кеси ётер, уру къазгъан кеси кетер.
- Узун джолну барсанг, бюгюн келирсе, къысха джолну барсанг, тамбла келирсе.
- Къыз чыгъаргъан – къызыл къымжа.
- Чомартха хар кюн да байрамды.
- Шапа кёб болса, аш татымсыз болур.
- Къан бла кирген, джан бла чыгъар.
- Тенгни тенглиги джашай барсанг билинир.
- Ургъан суудан башынгы сакъла.
- Аз сёлеш, кёб ишле.
- Уллу къашыкъ эрин джыртар.
- Мухар, кеси тойса да, кёзю тоймаз.
- Башланнган иш битер, къымылдагъан тиш тюшер.
- Тик ёргени, тик энгишгеси да болады.
Профиль
|
|
|
|||