- Окъугъан – асыу, окъумагъан – джарсыу.
- Къыз тиширыу кеси юйюнде да къонакъды.
- Джылкъыдан – ат чыгъар, тукъумдан – джаш чыгъар.
- Чабар ат – джетген къыз.
- Тёзген – тёш ашар!
- Билген билмегенни юретген адетди.
- Аман къатын алгъан, арыр, иги къатын алгъан джарыр.
- Адам сёзге тынгыла, акъыл сёзню ангыла.
- Акъыл бла адеб эгизледиле.
- Ашда уялгъан – мухар, ишде уялгъан – хомух.
- Эр абынмай, эл танымаз.
- Ашха уста, юйюнде болсун
- Уллу сёзде уят джокъ.
- Келинин тута билмеген, къул этер, къызын тута билмеген, тул этер.
- Къулакъдан эсе, кёзге ышан.
- Джырчы ёлсе, джыры къалыр.
- Ашхы – джыяр, аман – джояр.
- Урама да – ёледи, сатама да – келеди.
- Бети къызарыучу адамны, джюреги харам болмаз.
- Кёлсюзден сёзсюз тууар.
- Атлыны ашхысы, ат тизгининден билинир
- Билимден уллу байлыкъ джокъду.
- Болджал ишни бёрю ашар.
- Ётюрюкчюню шагъаты – къатында.
- Ашхы болсанг, атынг чыгъар, аман болсанг, джанынг чыгъар.
- Окъуусуз билим – джокъ, билимсиз кюнюнг – джокъ.
- Ётген ёмюр – акъгъан суу.
- Кёл – къызбай, къол – батыр.
- Адам сёзюнден белгили.
- Кеси юйюмде мен да ханма.
- Ариу сёз джыланны орнундан чыгъарыр.
- Хата – гитчеден.
- Мухарны эси – ашарыкъда.
- Суу да къайтады чыкъгъан джерине.
- Терек ауса, отунчу – кёб.
- Адамны артындан къара сабан сюрме.
- Рысхы джалгъанды: келген да этер, кетген да этер.
- Мени джылытмагъан кюн, меннге тиймесин!
- Акъыллы – эл иеси, тели – эл баласы.
- Сакъалы текени да бар, мыйыгъы киштикни да бар.
- Ишлерге уял да, ашаргъа табма.
- Ёлюк кебинсиз къалмаз.
- Ёлюр джаннга, ёкюл джокъ.
- Къонакъ кёб келюучю юйню, къазаны отдан тюшмез.
- Аманны эки битли тону болур, бирин сеннге кийдирир, бирин кеси киер.
- Зар адам ашынгы ашар, кесинги сатар.
- Аманнга да, игиге да оноусуз къатышма.
- Уллу атлама – абынырса, уллу къабма – къарылырса.
- Ач къалгъандан, кеч къалгъан къолай.
- Гугук кесини атын айтыб къычыргъанча, мен, мен деб нек тураса?
Профиль
|
|
|
|||