- Баланы адам этген анады.
- Джыланны къуйругъундан басарынг келсе, аны башы болгъанын унутма.
- Биреуню тёрюнден, кесинги эшик артынг игиди.
- Эки къатын алгъан – эки ташны ортасына башын салгъан.
- Билими азны – ауузунда кирит.
- Аз айтсам, кёб ангылагъыз.
- Эте билген, этген этеди, эте билмеген, юретген этеди!
- Аманны эки битли тону болур, бирин сеннге кийдирир, бирин кеси киер.
- Тюкюрюк баш джармаз, налат кёз чыгъармаз!
- Айтылгъан сёз ызына къайтмаз.
- Элге къуллукъ этмеген, элге ие болмаз.
- Къарт айтханны этмеген, къартаймаз.
- Бозанг болмагъан джерге, къалагъынгы сукъма.
- Къуллукъчума, деб махтанма, къуллукъ – хаух джамчыды!
- Къызбайны юйюне дери сюрсенг, батыр болур.
- Садакъачыны джаны – къапчыгъында.
- Аз сёлешген, къайгъысыз турур.
- Кеси юйюмде мен да ханма.
- Джюрек кёзден алгъа кёрюр.
- Къоркъакъны кёзю экили кёрюр.
- Эрни эр этерик да, къара джер этерик да, тиширыуду.
- Эринчекге кюн узун.
- Тойчу джашха къарама, къойчу джашха къара.
- Байны къызы баймакъ болса да, юйде къалмаз!
- Ашхылыкъ джерде джатмайды, аманлыкъ суугъа батмайды.
- Миллетни бойну – базыкъ, аны бла кюрешген – джазыкъ.
- Адеб джокъда, намыс джокъ.
- Игиге айтсанг – билир, аманнга айтсанг – кюлюр.
- Байлыкъ келсе, акъыл кетер.
- Къызны минг тилер, бир алыр.
- Адеб базарда сатылмаз.
- Кёлсюзден сёзсюз тууар.
- Адебни адебсизден юрен.
- Акъыл бла адеб эгизледиле.
- Агъач халкъгъа алтынды, иссиликге салкъынды.
- Ашлыкъны арба юйге келтирир, чана базаргъа элтир.
- Джукъу тёшек сайламайды.
- Билмезни кёзю кёрмез, этмезни къулагъы эшитмез.
- Уллу къашыкъ эрин джыртар.
- Атлыны ашхысы, ат тизгининден билинир
- Ёмюрлюк шохлукъну джел элтмез.
- Артына баргъанны, къатына барма.
- Ач къарным, тынч къулагъым.
- Бетинги сатма, малынгы сат.
- Бал – татлы, балдан да бала – татлы.
- Мадар болса, къадар болур.
- Тойгъанлыкъ къойгъа джарашады.
- Къазанчы аман болса, къазаны къайнамаз.
- Тёрде – темир таякълы, къаяда – чыпчыкъ аякълы.
- Сабий болмагъан джерде, мёлек болмаз.
Профиль
|
|
|
|||