- Биреуге аманлыкъны тилеме да, кесинге ашхылыкъны тиле.
- Арбаз къынгырды да, ийнек сауалмайма.
- Джылар джаш, атасыны сакъалы бла ойнар.
- Джумушакъ терекни къурт ашар.
- Адеб джокъда, намыс джокъ.
- Эрни эр этерик да, къара джер этерик да, тиширыуду.
- Билими азны – ауузунда кирит.
- Къобан да къуру да къобханлай турмайды, адам да къуру да патчахлай турмайды.
- Эки элинги тыйсанг, джети элде махталырса.
- Къозулугъунда тоймагъан, къойлугъунда тоймаз.
- Ышармагъан – кюлмез, кюлмеген – къууанчны билмез.
- Келинин тута билмеген, къул этер, къызын тута билмеген, тул этер.
- Чомартха Тейри да борчлуду.
- Босагъа таш юйге кирмей эди, тыбыр таш эшикге чыкъмай эди.
- Орну джокъну – сыйы джокъ.
- Атадан ёксюз – бир ёксюз, анадан ёксюз – эки ёксюз.
- Кёзню ачылгъаны – иги, ауузну джабылгъаны – иги.
- Алма терегинден кери кетмез.
- Аман эсирсе, юйюн ояр.
- Терек ауса, отунчу – кёб.
- Элни кючю – эмеген.
- Джырына кёре эжиую.
- Мал тутхан – май джалар.
- Къолу уллу – асыу, аягъы уллу – джарсыу.
- Атынг аманнга чыкъгъандан эсе, джанынг тамагъынгдан чыкъсын.
- Эринчекге кюн узун.
- Башда акъыл болмаса, эки аякъгъа кюч джетер.
- Къарны аманнга къазан такъдырма, къолу аманнга от джакъдырма.
- Тамырсыз терекге таянма – джыгъылырса.
- Адеб базарда сатылмаз.
- Хаухну атма, ёнгкючню сатма.
- Суу да къайтады чыкъгъан джерине.
- Адамны аты башхача, акъылы да башхады.
- Аджашхан тёгерек айланыр.
- Биреу ашаб къутулур, биреу джалаб тутулур.
- Ашда – бёрю, ишде – ёлю.
- Джан саулукъ бермей, сан саулукъ бермезсе.
- Къыз тиширыу кеси юйюнде да къонакъды.
- Гугурук къычырмаса да, тангны атары къалмаз.
- Окъугъан озар, окъумагъан тозар.
- Адам сёзге тынгыла, акъыл сёзню ангыла.
- Сагъыш – къартлыкъгъа сюйюмчю.
- Ауругъан – джашаудан умутчу.
- Урама да – ёледи, сатама да – келеди.
- Тенгни тенглиги джашай барсанг билинир.
- Садакъачыны джаны – къапчыгъында.
- Джаным-тиним – окъуу, билим.
- Къайтырыкъ эшигинги, къаты уруб чыкъма.
- Аз айтсам, кёб ангылагъыз.
- Къулакъдан эсе, кёзге ышан.
Профиль
|
|
|
|||