- Джырына кёре эжиую.
- Аш иеси бла татлыды.
- Джашынгы кесинг юретмесенг, джашау юретир.
- Ариу сёз джыланны орнундан чыгъарыр.
- Кесине гебен этелмеген, биреуге черен эте эди.
- Азыкълы ат арымаз, къатыны аман джарымаз.
- Билим ат болуб да чабар, къуш болуб да учар.
- Аманнга алтын чыдамаз.
- Шапа кёб болса, аш татымсыз болур.
- Ёлюр джаннга, ёкюл джокъ.
- Айран тёгюлсе, джугъусу къалыр.
- Суу да къайтады чыкъгъан джерине.
- Магъанасыз сёз – тауушсуз сыбызгъы.
- Джюз элде джюз ёгюзюм болгъандан эсе, джюз джууугъум болсун.
- Джарлы тюеге минсе да, ит къабар.
- Ач къалгъандан, кеч къалгъан къолай.
- Аманнга игилик этсенг, юйюнге сау бармазса.
- Байдан умут эте, джарлыдан ёгюз багъасы къорады.
- Джумушакъ сёз къаты таякъны сындырыр.
- Бюгюн дуния кибик, тамбла ахыратды.
- Кёлсюзден сёзсюз тууар.
- Сыфатында болмагъаны, суратында болмаз.
- Ашхы тенг джолгъа салыр, аман тенг джолдан тайдырыр.
- Къарны аманнга къазан такъдырма, къолу аманнга от джакъдырма.
- Уллу сёлешме да, уллу къаб.
- Бастасын ашагъан, хантусун да ичер.
- Аманны эки битли тону болур, бирин сеннге кийдирир, бирин кеси киер.
- Зар адам ашынгы ашар, кесинги сатар.
- Къызбайны юйюне дери сюрсенг, батыр болур.
- Ашхы болсанг, атынг чыгъар, аман болсанг, джанынг чыгъар.
- Сютню башын джалагъан къутулур, тюбюн ичген тутулур.
- Баш болса, бёрк табылыр.
- Олтуруб кёрюнмей эди да, ёрге туруб кёрюне эди.
- Келинин тута билмеген, къул этер, къызын тута билмеген, тул этер.
- Тёрде – темир таякълы, къаяда – чыпчыкъ аякълы.
- Ариу сёз аурууунгу алыр.
- Билими азны – ауузунда кирит.
- Акъдан къара болмаз.
- Суугъа – чабакъ, къаягъа – ыргъакъ.
- Къарнынг тойгъунчу аша да, белинг талгъынчы ишле.
- Таугъа чыгъаллыкъ эсенг, тюзде къалма.
- Азыкъ аз болса, эртде орун сал.
- Тил – миллетни джаны.
- Кюн кёрмеген, кюн кёрсе, кюндюз чыракъ джандырыр.
- Ачылгъан эт джабылыр, кёрген кёз унутмаз.
- Алма терегинден кери кетмез.
- Эм уллу байлыкъ – джан саулукъ.
- Телиге акъыл салгъандан эсе, ёлгеннге джан салырса.
- Адеб джокъда, намыс джокъ.
- Чомартны къолун джокълукъ байлар.
Профиль
|
|
|
|||