Эльбрусоид :: Форум

Айранны сюйген, ийнек тутар.
Кёбден умут этиб, аздан къуру къалма.
Тенгинг джокъ эсе – изле, бар эсе – сакъла!
Кёзюнде тереги болгъан, чёбю болгъаннга кюле эди.
Сыфатында болмагъаны, суратында болмаз.
Суу кетер, таш къалыр.
Хаухну атма, ёнгкючню сатма.
Ишни аллы бла къууанма да, арты бла къууан.
Кёбге таш атма.
Малны кют, джерни тюрт.
Уллу суу бла уллу ауруудан башынгы сакъла.
Аууз сакълагъан – джан сакълар.
Тойгъан джерден туугъан джер игиди.
Тил – миллетни джаны.
Тёзгеннге, джабылгъан эшик ачылыр.
Ёзденликни кёбю ётюрюк.
Юреннген ауруу къалмаз.
«Ёгюз, джаргъа джууукъ барма, меннге джюк боллукъса», - дегенди эшек.
Иги – алгъыш этер, аман – къаргъыш этер.
Аманны къуугъан, аманлыкъ табар.
Кюн кёрмеген, кюн кёрсе, кюндюз чыракъ джандырыр.
Адам боллукъ, атламындан белгили болур.
Сютню башын джалагъан къутулур, тюбюн ичген тутулур.
Ичимден чыкъды хата, къайры барайым сата?
Къонакъ болсанг, ийнакъ бол.
Намысы джокъну – дуниясы джокъ.
Кёпюр салгъан кеси ётер, уру къазгъан кеси кетер.
Къызбайны юйюне дери сюрсенг, батыр болур.
Билмезни кёзю кёрмез, этмезни къулагъы эшитмез.
Къайгъыны сюйген, къайгъы табар.
Чомарт къолда мал къалмаз.
Ким бла джюрюсенг, аны кёзю бла кёрюнюрсе.
Телиге акъыл салгъандан эсе, ёлгеннге джан салырса.
Кесине оноу эте билмеген, халкъына да эте билмез.
Кийим тукъум сордурур.
Намыс сатылыб алынмайды.
Рысхы джалгъанды: келген да этер, кетген да этер.
Уллу сёзде уят джокъ.
Таукелге нюр джауар.
Ёлген эшек бёрюден къоркъмайды.
Бюгюн дуния кибик, тамбла ахыратды.
Сабий болмагъан джерде, мёлек болмаз.
Бёрю да ач къалмасын, эчки да ашалмасын.
Къулакъдан эсе, кёзге ышан.
Юре билмеген ит, къонакъ келтирир.
Ойнай билмеген, уруб къачар.
Ата Джуртуму башы болмасам да, босагъасында ташы болайым.
Ач къалгъандан, кеч къалгъан къолай.
Къарнынг бла ёч алма.
Ашхы атаны – джашы ашхы, ашхы ананы – къызы ашхы.

Логин:
Пароль:
	Запомнить меня на этом компьютере

Забыли свой пароль?
Регистрация