- Ауузу аманнга «иги», деме.
- Намысы болмагъанны, сыйы болмаз.
- Азыкъ аз болса, эртде орун сал.
- Джарлы эскисин джамаса, къууаныр.
- Рысхы джалгъанды: келген да этер, кетген да этер.
- Экеу тутушса, биреу джыгъылыр.
- Тойгъан антын унутур.
- Джети тилни билген джети кишиди.
- Хоншуну тауугъу къаз кёрюнюр, келини къыз кёрюнюр.
- Шайтан алдады, тюзлюк къаргъады.
- Башы джабылгъан челекге, кир тюшмез.
- Намыс болмагъан джерде, насыб болмаз.
- Агъач – джерни чырайы, кийим – эрни чырайы.
- Ишин билген, аны сыйын чыгъарады.
- Гыдай эчки суугъа къараб, мюйюзле кёрмесе, джашма алкъын, дегенди.
- Арбаз къынгырды да, ийнек сауалмайма.
- Къаллай салам берсенг, аллай джууаб алырса.
- Ётген ёмюр – акъгъан суу.
- Джаз бир кюнню джатсанг, къыш талай кюнню абынырса.
- Оюмсуз атлагъан, аджалсыз ёлюр.
- Эр сокъур болсун, къатын тилсиз болсун.
- Орундукъ тюбюнде атылсам да, орта джиликме, де да айлан.
- Ишлерге уял да, ашаргъа табма.
- Таукел тауну аудурур.
- Бет бетге къараса, бет да джерге къарар.
- Алтыннга тот къонмаз.
- Чабакъсыз кёлге къармакъ салгъанлыкъгъа, чабакъ тутмазса.
- Сакъ юйюне сау барыр.
- Атадан ёксюз – бир ёксюз, анадан ёксюз – эки ёксюз.
- Тин – байлыгъынг, терен саулугъунг.
- Акъыллы башны – тили къысха.
- Хар сёзню орну барды.
- Кёб джат да, бек чаб.
- Къайгъы тюбю – тенгиз.
- Тюзлюк шохлукъну бегитир.
- Къонакъ болсанг, ийнакъ бол.
- Чалманны аллы къалай башланса, арты да алай барады.
- Ёзденликни джайгъан – джокълукъ.
- Кечеси – аяз, кюню – къыш, джарлы къаргъагъа бир аш тюш!
- Шекер бла туз – бир болмаз, ушамагъан – юй болмаз.
- Джырына кёре эжиую.
- Билмезни кёзю кёрмез, этмезни къулагъы эшитмез.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ач уят къоймаз.
- Суугъа – чабакъ, къаягъа – ыргъакъ.
- Насыб бютеу халкъны юлюшюдю.
- Айыбны суу бла джууалмазса.
- Хата – гитчеден.
- Арбаз сайлама да, хоншу сайла.
- Келинни – келгинчи, бёркню кийгинчи кёр.
Профиль
|
|
|
|||