- Джолунга кёре – джюрюшюнг, джагъанга кёре – юлюшюнг.
- Акъылсызны джууукъгъа алма, акъыллыны кенгнге салма.
- Ачлыкъ отха секиртир.
- Аякъларынгы джууургъанынга кёре узат.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тюзлюк тас болмайды.
- Хата – гитчеден.
- Байлыкъ адамны сокъур этер.
- Бал чибинни ургъаны – ачы, балы – татлы.
- Ата Джуртча джер болмаз, туугъан элча эл болмаз.
- Чабар ат – джетген къыз.
- Дуния мал дунияда къалады.
- Керек ташны ауурлугъу джокъ.
- Къулакъдан эсе, кёзге ышан.
- Аллахдан тилесенг, кёб тиле.
- Адамны сыфатына къарама, сёзюне къара.
- Къыз келсе, джумуш эте келеди, къатын келсе, ушакъ эте келеди.
- Ашын ашагъанынгы, башын да сыйла.
- Кёб къычыргъандан – къоркъма, тынч олтургъандан – къоркъ.
- Ач да бол, токъ да бол – намысынга бек бол.
- Джаз бир кюнню джатсанг, къыш талай кюнню абынырса.
- Берекет берсин деген джерде, берекет болур.
- Кёкдеги болмаса, джердегин кёрмейди.
- Малны кют, джерни тюрт.
- Къарт бла баш аша, джаш бла аякъ аша.
- Кёбге таш атма.
- Акъыл неден да кючлюдю.
- Кёб джашагъан – кёб билир.
- Тешик этген тынчды, аны джамагъан къыйынды.
- Адамны аманы адамны бети бла ойнар.
- Таула не мийик болсала да, аууш табылыр.
- Этни да ашады, бетни да ашады.
- Джерни букъусу кёкге къонмаз.
- Аманнга да, игиге да оноусуз къатышма.
- Кийимни бичсенг, кенг бич, тар этген къыйын тюлдю.
- Джашны джигитлиги сорулур, къызны джигерлиги сорулур.
- Тил – кесген бычакъ, сёз – атылгъан окъ.
- Телини эшигин, махтау джабар.
- Тилде сюек болмаса да, сюек сындырыр.
- Ана къойну – балагъа джандет.
- Ана – юйню кюн джарыгъы.
- Магъанасыз сёз – тауушсуз сыбызгъы.
- Бичгенде ашыкъма, тикгенде ашыкъ.
- Къарны аманнга къазан такъдырма, къолу аманнга от джакъдырма.
- Гугурук къычырмаса да, тангны атары къалмаз.
- Сагъышы джокъ – джукъучу, акъылы джокъ – къаугъачы.
- Ёлмесенг да, къарт дамы болмазса?
- Хар сёзню орну барды.
- Билими азны – ауузунда кирит.
- Адам сёзге тынгыла, акъыл сёзню ангыла.
Профиль
|
|
|
|||