- Миллетни бойну – базыкъ, аны бла кюрешген – джазыкъ.
- Сакъалы текени да бар, мыйыгъы киштикни да бар.
- Aдам боллукъ, сыфатындан белгили.
- Къазанда болса, чолпугъа чыгъар.
- Акъыл неден да кючлюдю.
- Джангыз терек къынгыр ёсер.
- Мал ёлсе, сюек къалыр, адам ёлсе, иши къалыр.
- Хар зат кесини орнуна иги.
- Тешигини къатында, чычхан да батыр болур.
- Ана къойну – балагъа джандет.
- Юй ишлеген балта эшикде къалыр.
- Ойнай билмеген, уруб къачар.
- Керек ташны ауурлугъу джокъ.
- Эл тойса, тоймагъан, эл къойса, къоймагъан.
- Къатыны харакетли болса, эри къымсыз болур.
- Тешик этген тынчды, аны джамагъан къыйынды.
- Абынмазлыкъ аякъ джокъ, джангылмазлыкъ джаякъ джокъ.
- Кюлме джашха – келир башха.
- Таш ата билмеген, башына урур.
- Къазанны башы ачыкъ болса, итге уят керекди.
- Узун джолну барсанг, бюгюн келирсе, къысха джолну барсанг, тамбла келирсе.
- Кечеси – аяз, кюню – къыш, джарлы къаргъагъа бир аш тюш!
- Адамны бетине къарама, адетине къара.
- Къолунгдан къуймакъ ашатсанг да, атаны борчундан къутулмазса.
- Тойгъа алгъа да барма, тойда артха да къалма.
- Бир абыннган – минг сюрюнюр.
- Кёл ашады да, кеси ашады.
- Аллахдан тилесенг, кёб тиле.
- Окъдан джара эртде-кеч болса да бителир, сёз джара, ёмюрге къалыр.
- Ата Джуртуму башы болмасам да, босагъасында ташы болайым.
- Ач къалгъандан, кеч къалгъан къолай.
- Ишни ахырын ойламай, аллын башлама.
- Иши джокъну, сыйы джокъ.
- Тилчи бир сагъатха айлыкъ хата этер.
- Къарны аманнга къазан такъдырма, къолу аманнга от джакъдырма.
- Ачлыкъда тары гырджын халыуадан татлы.
- Ашын ашагъанынгы, башын да сыйла.
- Ач да бол, токъ да бол – намысынга бек бол.
- Ушамагъан – джукъмаз.
- Ариу сёзде ауруу джокъ.
- Джукъу тёшек сайламайды.
- Ашына кёре табагъы, балына кёре къалагъы.
- Бозаны арты дауур болур.
- Кенгеш болса, уруш болмаз.
- Джангызны оту джарыкъ джанмаз!
- Ашыкъгъанны этеги бутуна чырмалыр.
- Акъыл къартда, джашда тюйюлдю – башдады.
- Тил бла келеди джыр да.
- Сёз садакъдан кючлюдю.
- Игиге айтсанг – билир, аманнга айтсанг – кюлюр.
Профиль
|
|
|
|||