- Кенгеш болса, уруш болмаз.
- Терслик кетер, тюзлюк джетер.
- Ёгюзню мюйюзюнден тутадыла, адамны сёзюнден тутадыла.
- Аман эсирсе, юйюн ояр.
- Джюз элде джюз ёгюзюм болгъандан эсе, джюз джууугъум болсун.
- Башсыз урчукъ тюзюне айланмаз.
- Чомарт къонакъ юй иесин сыйлар.
- Хансыз джомакъ болмаз.
- Гугурук къычырмаса да, тангны атары къалмаз.
- Тилсиз миллет джокъ болур.
- Ачыу алгъа келсе, акъыл артха къалады.
- Билмегенинги, билгеннге сор.
- Тил – кесген бычакъ, сёз – атылгъан окъ.
- Огъурлуну сёзю – суу, огъурсузну сёзю – уу.
- Бети къызарыучу адамны, джюреги харам болмаз.
- Джырчы ёлсе, джыры къалыр.
- Кютгени беш эчки, сызгъыргъаны уа, джерни джарады.
- Кёрмегеннге кебек – танг, битмегеннге сакъал – танг.
- Мал ёлсе, сюек къалыр, адам ёлсе, иши къалыр.
- Тыш элде солтан болгъандан эсе, кесинги элде олтан болгъан игиди!
- Кёз – сюйген джерде, къол – ауругъан джерде.
- Эркишини аманы тиширыуну джылатыр.
- Тил джюрекге джол ишлейди.
- Джумушакъ терекни къурт ашар.
- Къобан да къуру да къобханлай турмайды, адам да къуру да патчахлай турмайды.
- Къуру гыбыт бек дыгъырдар.
- Чакъырылмагъан къонакъ – орунсуз.
- Къыз келсе, джумуш эте келеди, къатын келсе, ушакъ эте келеди.
- Аз сёлешген, къайгъысыз турур.
- Къатын байлыкъны сюер, эр саулукъну сюер.
- Къарт бла баш аша, джаш бла аякъ аша.
- Джылыгъа джылан илешир.
- Мал кёб болса, джууукъ кёб болур.
- Къошда джокъгъа – юлюш джокъ.
- Биреуге аманлыкъны тилеме да, кесинге ашхылыкъны тиле.
- Акъдан къара болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Окъ къызбайны джокълайды.
- Ач – эснер, ат – кишнер.
- Ариу сёзде ауруу джокъ.
- Кёпюр салгъан кеси ётер, уру къазгъан кеси кетер.
- Кёл – къызбай, къол – батыр.
- Ашыкъгъанны этеги бутуна чырмалыр.
- Босагъа таш юйге кирмей эди, тыбыр таш эшикге чыкъмай эди.
- Окъумагъан сокъурду, сокъур ташха абыныр!
- Къозулугъунда тоймагъан, къойлугъунда тоймаз.
- Эрине къаргъыш этген къатын, эрнин къабар.
- Элге къуллукъ этмеген, элге ие болмаз.
- Иги сеники эсе да, сюйген кесимикин этеме.
- Къарны аманнга къазан такъдырма, къолу аманнга от джакъдырма.
Профиль
|
|
|
|||