- Эки къатын алгъанны къулагъы тынгнгаймаз.
- Бал ашаргъа сюе эсенг, чибин ургъаннга тёз.
- Тюз сёз баргъан сууну тыяр.
- Джахил болса анасы, не билликди баласы?
- Адеб джокъда, намыс джокъ.
- Ат да турмайды бир териде.
- Ана къойну – балагъа джандет.
- Малны кют, джерни тюрт.
- Хазыр ашха – терен къашыкъ.
- Биреу ашаб къутулур, биреу джалаб тутулур.
- Айтханы чапыракъдан ётмеген.
- Ач да бол, токъ да бол – намысынга бек бол.
- Адамны артындан къара сабан сюрме.
- Джаз бир кюнню джатсанг, къыш талай кюнню абынырса.
- Ётюрюкчюню шагъаты – къатында.
- Къызбайны юйюне дери сюрсенг, батыр болур.
- Билмегенинги, билгеннге сор.
- Ауругъанны сау билмез, ач къарынны токъ билмез.
- Бети къызарыучу адамны, джюреги харам болмаз.
- Айтхан – тынч, этген – къыйын.
- Ат басханны джер билед.
- Аууз сакълагъан – джан сакълар.
- Гыдай эчки суугъа къараб, мюйюзле кёрмесе, джашма алкъын, дегенди.
- Ашарыкъда сайлагъаннга – чий гырджын.
- Ач, тоймам, дейди, тойгъан, ач болмам, дейди.
- Аманнга алтын чыдамаз.
- Бермеген къол, алмайды.
- Кёб джат да, бек чаб.
- Эте билген, этген этеди, эте билмеген, юретген этеди!
- Иги адамны бир сёзю эки болмаз.
- Тёгюлген тюгел джыйылмайды.
- Атлыны ашхысы, ат тизгининден билинир
- Джаш болсун, къыз болсун, акъылы, саны тюз болсун.
- Адам туугъан джеринде, ит тойгъан джеринде.
- Ауузу бла къуш тута айланады.
- Тиширыусуз юй – отсуз от джагъа.
- Тилсиз миллет джокъ болур.
- Айранны сюйген, ийнек тутар.
- Акъдан къара болмаз.
- Ашхы сёз таш тешер.
- Тешигини къатында, чычхан да батыр болур.
- От этилмеген джерден тютюн чыкъмайды.
- Татлы сёз – балдан татлы.
- Эл бла кёргенинг эрелей.
- Эринчекни аурууу – кёб.
- Рысхы – сют юсюнде кёмюк кибикди.
- Орну джокъну – сыйы джокъ.
- Айтылгъан сёз ызына къайтмаз.
- Къызгъанчдан ычхыныр, мухардан ычхынмаз.
- Джылар джаш, атасыны сакъалы бла ойнар.
Профиль
|
Zalim_han
 Эльбрусоид
Баллов: 0
Регистрация: 01.09.2013
Последний визит: 01.09.2013 14:05:34
|
|
||||||
|
|
|
||||||