Эльбрусоид :: Форум

Алим болгъандан эсе, адам болгъан къыйынды.
Экиндини кеч къылсанг, чабыб джетер ашхам.
Биреуге кёлтюрген таягъынг, кесинги башынга урур.
Терек ауса, отунчу – кёб.
Керилген да, ургъан кибикди.
Башы ишлегенни, ауузу да ишлер.
Ашына кёре табагъы, балына кёре къалагъы.
Адамны артындан къара сабан сюрме.
Къонакъ аман болса, къонакъбай джунчур
Аман киши кеси юйюнде – къонакъ.
Кёлсюзден сёзсюз тууар.
Гыдай эчки суугъа къараб, мюйюзле кёрмесе, джашма алкъын, дегенди.
Сормай – алма, чакъырылмай – барма.
Байлыкъ адамны сокъур этер.
Соргъан айыб тюлдю, билмеген айыбды.
Ат басханны джер билед.
Тёгюлген тюгел джыйылмайды.
Тойгъан джерге джети къайт.
Сибиртки да сыйлы болду, кюрек да кюнлю болду.
Айырылмаз джууугъунга, унутмаз сёзню айтма.
Билими азны – ауузунда кирит.
Бал ашаргъа сюе эсенг, чибин ургъаннга тёз.
Билимли ёлмез, билимсиз кёрмез.
Билимден уллу байлыкъ джокъду.
Ишлегенден, къарагъан уста.
Дженгил джетерикме деб, узун джолну къоюб, къысхасын барма.
Суу да къайтады чыкъгъан джерине.
Ёксюзню къалачы уллу кёрюнюр.
Тилчи тилден къаныкъмаз.
Шекер бла туз – бир болмаз, ушамагъан – юй болмаз.
Чакъырылмагъан джерге барма, чакъырылгъан джерден къалма.
Аллахдан тилесенг, кёб тиле.
Сабийликде юретмесенг, уллу болса – тюзелмез.
Таукел къуру къалмаз.
Олтуруб кёрюнмей эди да, ёрге туруб кёрюне эди.
Джюз элде джюз ёгюзюм болгъандан эсе, джюз джууугъум болсун.
Аш хазыр болса, иш харам болур.
Джумушакъ сёз къаты таякъны сындырыр.
Мен да «сен», дейме, сен да «кесим», дейсе.
Бойнуму джети джерден кессенг да, мен ол ишни этеллик тюлме.
Къоркъакъны кёзю экили кёрюр.
Джырына кёре эжиую.
Эки ойлашыб, бир сёлешген.
Къатын къылыкъсыз, эр тынчлыкъсыз.
Булут кёкге джарашыу, уят бетге джарашыу.
Тенгинг джокъ эсе – изле, бар эсе – сакъла!
Адам туугъан джеринде, ит тойгъан джеринде.
Намысы джокъну – дуниясы джокъ.
Намыс болмагъан джерде, насыб болмаз.
Мени джылытмагъан кюн, меннге тиймесин!

Логин:
Пароль:
	Запомнить меня на этом компьютере

Забыли свой пароль?
Регистрация