- Айтылгъан буйрукъ, сёгюлмез
- Къартха ушагъан джаш – акъыллы, джашха ушагъан къарт – тели.
- Сютден ауузу кюйген, суугъа юфгюре эди.
- Гыдай эчки суугъа къараб, мюйюзле кёрмесе, джашма алкъын, дегенди.
- Телини эшигин, махтау джабар.
- Арбаз сайлама да, хоншу сайла.
- Тойгъандан сора, ашны сёкме.
- Окъуу – билимни ачхычы, окъуу – дунияны бачхычы.
- Чомартха Тейри да борчлуду.
- Ётген ёмюр – акъгъан суу.
- Азыкълы ат арымаз, къатыны аман джарымаз.
- Керти сёзге тёре джокъ.
- «Ма», - дегенни билмесенг, «бер», - дегенни билмезсе.
- Аллахдан тилесенг, кёб тиле.
- Башынга джетмегенни сорма.
- Къарт болгъан джерде, берекет болур, сабий болгъан джерде, оюн болур.
- Кёб джашагъан – кёб билир.
- Иги болса, тамадама – махтау, аман болса, меннге – айыб.
- Къобан да къуру да къобханлай турмайды, адам да къуру да патчахлай турмайды.
- Хансыз джомакъ болмаз.
- Кенгеш болса, уруш болмаз.
- Ашда уялгъан – мухар, ишде уялгъан – хомух.
- Байлыкъ келсе, акъыл кетер.
- Телиге акъыл салгъандан эсе, ёлгеннге джан салырса.
- Адеб этмеген, адеб кёрмез.
- Уллу къазанда бишген эт, чий къалмаз.
- Нарт сёз къарт болмаз.
- Итли къонакъ джарашмаз.
- Аманнга игилик этсенг, юйюнге сау бармазса.
- Ишлегенден, къарагъан уста.
- Орну джокъну – сыйы джокъ.
- Айтхан – тынч, этген – къыйын.
- Ойнай билмеген, уруб къачар.
- Тешик этген тынчды, аны джамагъан къыйынды.
- Уллу айтханны этмеген – уллаймаз.
- Аз айтсам, кёб ангылагъыз.
- Ханнга да келеди хариблик.
- Арыгъан къош чамчы болур.
- Ачны эсинде – аш.
- Ач къарным, тынч къулагъым.
- Азыгъы аз, алгъа къабар, аты аман, алгъа чабар.
- Чакъырылмагъан къонакъ – орунсуз.
- Суу да къайтады чыкъгъан джерине.
- Хоншуну тауугъу къаз кёрюнюр, келини къыз кёрюнюр.
- Ашха уста, юйюнде болсун
- Чомарт къонакъ юй иесин сыйлар.
- Джерни букъусу кёкге къонмаз.
- Ачылгъан эт джабылыр, кёрген кёз унутмаз.
- Бал – татлы, балдан да бала – татлы.
- Намысы джокъну – дуниясы джокъ.
Профиль
|
|
|
|||