- Таш ата билмеген, башына урур.
- Хатерли къул болур.
- Алтыда кюлмеген, алтмышда кюлмез.
- Ариу сёзде ауруу джокъ.
- Эм уллу байлыкъ – джан саулукъ.
- Тилчи бир сагъатха айлыкъ хата этер.
- Ауузу бла къуш тута айланады.
- Хар зат кесини орнуна иги.
- Мал ёлсе, сюек къалыр, адам ёлсе, иши къалыр.
- Баш болса, бёрк табылыр.
- Тойгъан джерден туугъан джер игиди.
- Тили узунну, намысы – къысха.
- Сёз къанатсыз учар.
- Аш кетер да бет къалыр.
- Ётюрюк хапар аякъ тюбю бла джюрюйдю.
- Кёзден кетген, кёлден да кетеди.
- Ашха уста, юйюнде болсун
- Тёрени джагъы джокъ.
- Окъугъан озар, окъумагъан тозар.
- Ашхы болсанг, атынг чыгъар, аман болсанг, джанынг чыгъар.
- Ёпкелегенни ашы татлы болады.
- Къар – келтирди, суу – элтди.
- Биреуге кёлтюрген таягъынг, кесинги башынга урур.
- Аджал соруб келмез, келсе, къайтыб кетмез.
- Ата Джуртча джер болмаз, туугъан элча эл болмаз.
- Сабийни джумушха джибер да, ызындан бар.
- Ашда уялгъан – мухар, ишде уялгъан – хомух.
- Къарнынг тойгъунчу аша да, белинг талгъынчы ишле.
- Аман киши кеси юйюнде – къонакъ.
- Ауругъанны сау билмез, ач къарынны токъ билмез.
- Тёгюлген тюгел джыйылмайды.
- Халкъны джырын джырласанг, халкъ санга эжиу этер.
- Мал кёб болса, джууукъ кёб болур.
- Алма терегинден кери кетмез.
- Таш бла ургъанны, аш бла ур.
- Адамны джюреги нени кёрюрге сюйсе, кёзю да аны кёрюрге ёч болады.
- Ушамагъан – джукъмаз.
- Кёлю джокъну – джолу джокъ.
- Эл бла кёргенинг эрелей.
- Айырылгъанланы айю ашар, бёлюннгенлени бёрю ашар.
- Джаш къарыу бла кючлю, къарт акъыл бла кючлю.
- Джаз бир кюнню джатсанг, къыш талай кюнню абынырса.
- Суу да къайтады чыкъгъан джерине.
- Ишге юренсин къоллары, халкъ бла болсун джоллары.
- Байны оноуу, джарлыгъа джарамаз.
- Къазанны башы ачыкъ болса, итге уят керекди.
- Нёгерсизни джолу узун.
- Ата Джуртун танымагъан, атасын да танымаз.
- Тюзлюк шохлукъну бегитир.
- Намысы болмагъанны, сыйы болмаз.
Профиль
|
|
|
|||