- Ауузу аманнга «иги», деме.
- Джюз элде джюз ёгюзюм болгъандан эсе, джюз джууугъум болсун.
- Джаным-тиним – окъуу, билим.
- Аш иеси бла татлыды.
- Къарнынг ауруса, ауузунгу тый
- Халкъны юйю – туугъан джери.
- Джигер – джаннга къыйынлыкъ.
- Сакъалы текени да бар, мыйыгъы киштикни да бар.
- Ашхы адам – халкъ байлыгъы, ашхы джер – джашау байлыгъы.
- Аш берме да, къаш бер.
- Ёнгкюч къууана барыр, джылай келир.
- Сабийликде юретмесенг, уллу болса – тюзелмез.
- Къонакъ кёб келюучю юйню, къазаны отдан тюшмез.
- Байдан умут эте, джарлыдан ёгюз багъасы къорады.
- Сакъламагъан затынга джолукъсанг, не бек къууанаса, не бек ачыйса.
- Кёбге таш атма.
- Адам туугъан джеринде, ит тойгъан джеринде.
- Аякъларынгы джууургъанынга кёре узат.
- Этни да ашады, бетни да ашады.
- Айтханы чапыракъдан ётмеген.
- Къыйынлы джети элни къайгъысын этер.
- Баш – акъыл ючюн, акъылман – халкъ ючюн.
- Эски джаугъа ышанма.
- Джыланны къуйругъундан басарынг келсе, аны башы болгъанын унутма.
- Акъыл къартда, джашда тюйюлдю – башдады.
- Тамчы таш тешер.
- Тас болгъан бычакъны сабы – алтын.
- Кютгени беш эчки, сызгъыргъаны уа, джерни джарады.
- Сибиртки да сыйлы болду, кюрек да кюнлю болду.
- Кёл ашады да, кеси ашады.
- Мураты болгъанны джюрек тебюую башхады.
- Къатын байлыкъны сюер, эр саулукъну сюер.
- Намыс сатылыб алынмайды.
- Байлыкъ адамны сокъур этер.
- Юйюнгден чыкъдынг – кюнюнгден чыкъдынг.
- Ишге юренсин къоллары, халкъ бла болсун джоллары.
- Чомарт къолда мал къалмаз.
- Гугурук къычырмаса да, тангны атары къалмаз.
- Тыш элде солтан болгъандан эсе, кесинги элде олтан болгъан игиди!
- «Ёгюз, джаргъа джууукъ барма, меннге джюк боллукъса», - дегенди эшек.
- Тёзген – тёш ашар!
- Эрни эр этерик да, къара джер этерик да, тиширыуду.
- Къобан да къуру да къобханлай турмайды, адам да къуру да патчахлай турмайды.
- Тилсиз миллет джокъ болур.
- Иесиз малны бёрю ашар.
- Аз сёлеш, кёб ишле.
- Кийим тукъум сордурур.
- Чакъырылмагъан къонакъ къачан кетерин сормаз.
- Бозаны арты дауур болур.
- Уллу сёзде уят джокъ.
Профиль
|
|
|
|||