Эльбрусоид :: Форум

Кёл – къызбай, къол – батыр.
Ачыкъ джюрекге джол – ачыкъ.
Ашаса, ашамаса да, бёрюню ауузу – къан.
Таукелге нюр джауар.
Къарт бла баш аша, джаш бла аякъ аша.
Биреу къой излей, биреу той излей.
Биреуге кёлтюрген таягъынг, кесинги башынга урур.
Накъырда – кертини келечиси.
Адебни адебсизден юрен.
Тойгъан джерге джети къайт.
Ашхы – джыяр, аман – джояр.
Эм уллу байлыкъ – джан саулукъ.
Берекет берсин деген джерде, берекет болур.
Ишленмеклик адамлыкъды.
Аш кетер да бет къалыр.
Аурууну келиую тынч, кетиую – къыйын.
Итли къонакъ джарашмаз.
Чабакъгъа акъыл, табагъа тюшсе келеди.
Кёзню ачылгъаны – иги, ауузну джабылгъаны – иги.
Ата Джуртун танымагъан, атасын да танымаз.
Ачлыкъда тары гырджын халыуадан татлы.
Иги бла джюрюсенг, джетерсе муратынга, аман бла джюрюсенг, къалырса уятха.
Джангыз терек къынгыр ёсер.
Эки элинги тыйсанг, джети элде махталырса.
Сёлеш деб шай берген, тохта деб, сом берген.
Ауругъаннга – кийик саулукъ, джетген къызгъа – чилле джаулукъ.
Аман киши кеси юйюнде – къонакъ.
Аман къатын алгъан, арыр, иги къатын алгъан джарыр.
Джахил болса анасы, не билликди баласы?
Джырчы ёлсе, джыры къалыр.
Башда акъыл болмаса, эки аякъгъа кюч джетер.
Ишлегенден, къарагъан уста.
Хаухну атма, ёнгкючню сатма.
Ауузу аманнга «иги», деме.
Тёзген – тёш ашар!
Сагъышы джокъ – джукъучу, акъылы джокъ – къаугъачы.
Ашхы адам – халкъ байлыгъы, ашхы джер – джашау байлыгъы.
Чомартха Тейри да борчлуду.
Джарлы эскисин джамаса, къууаныр.
Телиге от эт десенг, юйюнге от салыр.
Окъугъан – асыу, окъумагъан – джарсыу.
Иги джашны ышаны – аз сёлешиб, кёб тынгылар.
Игини сыйлагъан адетди.
Сабыр джетер муратха, сабырсыз къалыр уятха.
Таукел адам тау тешер.
Эртде тургъан джылкъычыны эркек аты тай табар.
Адамны джюреги нени кёрюрге сюйсе, кёзю да аны кёрюрге ёч болады.
Азыгъы аз, алгъа къабар, аты аман, алгъа чабар.
Бети бедерден, намыс сакълама.
Гырджын – тепсини тамадасы.

Логин:
Пароль:
	Запомнить меня на этом компьютере

Забыли свой пароль?
Регистрация