- Арпа, будай – ащды, алтын, кюмюш а – ташды.
- Эллинг бла джау болсанг да, юйюнг бла джау болма.
- Ашхы адам – халкъ байлыгъы, ашхы джер – джашау байлыгъы.
- Сабийни джумушха джибер да, ызындан бар.
- Тилчи бир сагъатха айлыкъ хата этер.
- Бек анасы джыламаз.
- Ата Джуртун танымагъан, атасын да танымаз.
- Онгсузну – джакъла, тенгликни – сакъла.
- Айтхан сёзюне табылгъан.
- Ариу – кёзге, акъыл – джюрекге.
- Ана – юйню кюн джарыгъы.
- Къуру гыбыт бек дыгъырдар.
- Орну джокъну – сыйы джокъ.
- Харам къарнашдан, халал тенг ашхы.
- Адеби болмагъан къыз – тузсуз хант.
- Башы джабылгъан челекге, кир тюшмез.
- Аллахдан тилесенг, кёб тиле.
- Азыкълы ат арымаз, къатыны аман джарымаз.
- Ашыкъгъан cуу, тенгизге джетмез.
- Къарнынг бла ёч алма.
- Къая джолда джортма, ачыкъ сёзден къоркъма.
- Джеринден айырылгъан – джети джылар, джуртундан айырылгъан – ёлгюнчю джылар.
- Адамны аты башхача, акъылы да башхады.
- Айтылгъан сёз ызына къайтмаз.
- Махтаннган къыз, тойда джукълар.
- Бойнуму джети джерден кессенг да, мен ол ишни этеллик тюлме.
- Джогъун бар этген, барын бал этген.
- Этек чакъмакълары баш джаргъан, сёлешген сёзлери таш джаргъан.
- Кесинг сынамагъан затны, адамгъа буюрма.
- Мени джылытмагъан кюн, меннге тиймесин!
- Атадан ёксюз – бир ёксюз, анадан ёксюз – эки ёксюз.
- Экеу тутушса, биреу джыгъылыр.
- Къумурсхала джыйылсала, пилни да джыгъадыла.
- Джарашыу сюйген – джалынчакъ.
- Соргъан айыб тюлдю, билмеген айыбды.
- Хар ишни да аллы къыйынды.
- Бал – татлы, балдан да бала – татлы.
- Тюзлюк шохлукъну бегитир.
- Аманны тукъумуна къарама, игини тукъумун сорма.
- Дуния малгъа сатылма, кесингден телиге къатылма.
- Акъыллы – эл иеси, тели – эл баласы.
- Ана къолу ачытмаз.
- Тай асырагъан, атха минер.
- Ёксюзню тилеги къабыл болур.
- Тамчы таш тешер.
- Аман адамны тепсинге олтуртсанг, къызынгы тилер.
- Къошда джокъгъа – юлюш джокъ.
- Ёнгкюч къууана барыр, джылай келир.
- Кирсизни – саны таза, халалны – къаны таза.
- Баланы адам этген анады.
Профиль
|
|
|
|||