- Адебсиз адам – джюгенсиз ат.
- Хансыз джомакъ болмаз.
- Ишин билген, аны сыйын чыгъарады.
- Таш бла ургъанны, аш бла ур.
- Термилгенинги табмазса, кюлгенинге тюберсе.
- Аман адам этегингден тутса, кес да къач.
- Ата Джуртча джер болмаз, туугъан элча эл болмаз.
- Ашха уста, юйюнде болсун
- Уллу къазанда бишген эт, чий къалмаз.
- Ашда уялгъан – мухар, ишде уялгъан – хомух.
- Къая джолда джортма, ачыкъ сёзден къоркъма.
- Къарт айтханны этмеген, къартаймаз.
- Танг атмайма десе да, кюн къоярыкъ тюйюлдю.
- Ётюрюкден тюбю джокъ, кёлтюрюрге джиби джокъ.
- Кёлсюзден сёзсюз тууар.
- Баш – акъыл ючюн, акъылман – халкъ ючюн.
- «Ма», - дегенни билмесенг, «бер», - дегенни билмезсе.
- Аджалсыз ёлюм болмаз.
- Киштикге къанат битсе, чыпчыкъ къалмаз эди.
- Садакъачыны джаны – къапчыгъында.
- Насыб бютеу халкъны юлюшюдю.
- Ётюрюкню къуйругъу – бир тутум.
- Хунаны тюбюн къазсанг, юсюнге ауар.
- Окъугъан – асыу, окъумагъан – джарсыу.
- Эртде тургъан бла эртде юйленнген сокъуранмаз.
- Хар адамгъа кеси миннген тау кибик.
- Арпа, будай – ащды, алтын, кюмюш а – ташды.
- Ётген ёмюр – акъгъан суу.
- Дуния аламаты сен эсенг да, игиме деб айтма.
- Билим – акъылны чырагъы.
- Алма терегинден кери кетмез.
- Ач отунчуну ачыуу – бурнунда.
- Керек ташны ауурлугъу джокъ.
- Эки къатын алгъан – эки ташны ортасына башын салгъан.
- Эркишини аманы тиширыуну джылатыр.
- Шекер бла туз – бир болмаз, ушамагъан – юй болмаз.
- Ёлюр джаннга, ёкюл джокъ.
- Ауругъаннга – кийик саулукъ, джетген къызгъа – чилле джаулукъ.
- Дуния мал дунияда къалады.
- Накъырданы арты керти болур.
- Босагъагъа джууукъ орун болса, ашыгъыб тёрге озма.
- Адамны артындан къара сабан сюрме.
- Эте билген, этген этеди, эте билмеген, юретген этеди!
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Намысы джокъну – дуниясы джокъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Къумурсхала джыйылсала, пилни да джыгъадыла.
- Адамны джюреги нени кёрюрге сюйсе, кёзю да аны кёрюрге ёч болады.
- Адамгъа аман кюн соруб келмейди.
- Чомарт бергенин айтмаз.
Профиль
|
|
|
|||