Эльбрусоид :: Форум :: ...будущая балкарочка...

Чёбню кёлтюрсенг, тюбюнден сёз чыгъар.
Ётюрюк хапар аякъ тюбю бла джюрюйдю.
Эртде тургъан джылкъычыны эркек аты тай табар.
Тёрде – темир таякълы, къаяда – чыпчыкъ аякълы.
Адам боллукъ, атламындан белгили болур.
Сагъыш – къартлыкъгъа сюйюмчю.
Башы ишлегенни, ауузу да ишлер.
Айранны сюйген, ийнек тутар.
Адамны аманы адамны бети бла ойнар.
Ата Джуртун танымагъан, атасын да танымаз.
Этни бети бла шорпасы.
Акъыл бла адеб эгизледиле.
Иги джашны ышаны – аз сёлешиб, кёб тынгылар.
Нёгер болсанг, тенг бол, тенг болмасанг, кенг бол.
Билмегенинги, билгеннге сор.
Сютден ауузу кюйген, суугъа юфгюре эди.
Биреу къой излей, биреу той излей.
Джарлы джети элни сёзюн этер.
Аджалсыз ёлюм болмаз.
Дженгил джетерикме деб, узун джолну къоюб, къысхасын барма.
Этим кетсе да, сюегим къалыр.
Джарлыны эшигин махтагъан джабар.
Къуру гыбыт бек дыгъырдар.
Эркишиге тары кебек танг кёрюнюр.
Мал кёб болса, джууукъ кёб болур.
Бир абыннган – минг сюрюнюр.
Иги бла джюрюсенг, джетерсе муратынга, аман бла джюрюсенг, къалырса уятха.
Тойгъанлыкъ къойгъа джарашады.
Эринчекни аурууу – кёб.
Аш иеси бла татлыды.
Къыз чыгъаргъан – къызыл къымжа.
Къуллукъчума, деб махтанма, къуллукъ – хаух джамчыды!
Байлыкъ келсе, акъыл кетер.
Этек чакъмакълары баш джаргъан, сёлешген сёзлери таш джаргъан.
Эл элде бирер малынг болгъандан эсе, бирер тенгинг болсун.
Дуния мал дунияда къалады.
Тамбла алтындан бюгюн багъыр ашхы.
Хатерли къул болур.
Атынг аманнга чыкъгъандан эсе, джанынг тамагъынгдан чыкъсын.
Адамгъа аман кюн соруб келмейди.
Башсыз урчукъ тюзюне айланмаз.
Адебсиз адам – джюгенсиз ат.
Къартха ушагъан джаш – акъыллы, джашха ушагъан къарт – тели.
Кёбден умут этиб, аздан къуру къалма.
Дуния малгъа сатылма, кесингден телиге къатылма.
Харам къарнашдан, халал тенг ашхы.
Джерни букъусу кёкге къонмаз.
Окъ къызбайны джокълайды.
Билеги кючлю, бирни джыгъар, билими кючлю, мингни джыгъар.
Тилсиз миллет джокъ болур.

Логин:
Пароль:
	Запомнить меня на этом компьютере

Забыли свой пароль?
Регистрация