- Баргъанынга кёре болур келгенинг.
- Джети тилни билген джети кишиди.
- Билим насыб берир, билим джолну керир.
- Джол бла сёзню къыйыры джокъ.
- Билим – акъылны чырагъы.
- Джангыз торгъай джырламаз.
- Уллу сёлешме да, уллу къаб.
- Уллу къашыкъ эрин джыртар.
- Ашда – бёрю, ишде – ёлю.
- Игини сыйлагъан адетди.
- Ашын ашагъанынгы, башын да сыйла.
- Аман эсирсе, юйюн ояр.
- Тенгни тенглиги джашай барсанг билинир.
- Тенги кёбню джау алмаз, акъылы кёбню дау алмаз.
- Ач уят къоймаз.
- Къуру гыбыт бек дыгъырдар.
- Уясында не кёрсе, учханында аны этер.
- Адеб этмеген, адеб кёрмез.
- Тамырсыз терекге таянма – джыгъылырса.
- Тёрени джагъы джокъ.
- Эртде тургъан бла эртде юйленнген сокъуранмаз.
- Джаш болсун, къыз болсун, акъылы, саны тюз болсун.
- Эл ауузу – элия.
- Ашыкъгъанны этеги бутуна чырмалыр.
- Таула не мийик болсала да, аууш табылыр.
- Тойгъанлыкъ къойгъа джарашады.
- Акъыл неден да кючлюдю.
- Атадан ёксюз – бир ёксюз, анадан ёксюз – эки ёксюз.
- Сёлеш деб шай берген, тохта деб, сом берген.
- Бал чибинни ургъаны – ачы, балы – татлы.
- Ашхы тенг джолгъа салыр, аман тенг джолдан тайдырыр.
- Сакъалы текени да бар, мыйыгъы киштикни да бар.
- Иши джокъну, сыйы джокъ.
- Арбаз къынгырды да, ийнек сауалмайма.
- Адамны бетине къарама, адетине къара.
- Тил джюрекге джол ишлейди.
- Айныгъанлы алты кюн, тогъайгъанлы тогъуз кюн.
- Терслик кетер, тюзлюк джетер.
- Джетген къыз джерли эшекни танымаз.
- Абынмазлыкъ аякъ джокъ, джангылмазлыкъ джаякъ джокъ.
- Къарнынг бла ёч алма.
- Бир онгсуз адам адет чыгъарды, деб эштирик тюлсе.
- Тели турса – той бузар.
- Сютню башын джалагъан къутулур, тюбюн ичген тутулур.
- Къонакъ хазыр болгъанлыкъгъа, къонакъбай хазыр тюлдю.
- Аджал соруб келмез, келсе, къайтыб кетмез.
- Ач къарным, тынч къулагъым.
- Босагъагъа джууукъ орун болса, ашыгъыб тёрге озма.
- Ариу сёз – къылычдан джити.
- Айыбны суу бла джууалмазса.
Профиль
|
|
|
|||