Эльбрусоид :: Форум

Ёмюрлюк шохлукъну джел элтмез.
Таукел тауну аудурур.
Ёлген аслан – сау чычхан.
Башы ишлегенни, ауузу да ишлер.
Эринчекге кюн узун.
Баргъанынга кёре болур келгенинг.
Чомартха хар кюн да байрамды.
Суу да къайтады чыкъгъан джерине.
Чоюнну башы ачыкъ болса, итге уят керекди.
Гитче джилтин уллу элни джандырыр.
Мухардан ач ычхынмаз.
Тилсиз миллет джокъ болур.
Сакъ юйюне сау барыр.
Накъырда – кертини келечиси.
Джюз элде джюз ёгюзюм болгъандан эсе, джюз джууугъум болсун.
Байлыкъдан саулукъ ашхыды.
Бек ашыкъгъан меннге джетсин, дегенди аракъы.
Чабакъгъа акъыл, табагъа тюшсе келеди.
Джаз бир кюнню джатсанг, къыш талай кюнню абынырса.
Къалгъан ишге къар джауар.
Ишлемеген – тишлемез.
Джети тилни билген джети кишиди.
Мураты болгъанны джюрек тебюую башхады.
Къанны къан бла джуума, аманны аман бла къуума.
Адебни адебсизден юрен.
Ёгюзню мюйюзюнден тутадыла, адамны сёзюнден тутадыла.
Ёлген эшек бёрюден къоркъмайды.
Чыбыкълыкъда бюгюлмеген, къазыкълыкъда бюгюлмей эди.
Тик ёргени, тик энгишгеси да болады.
Уллу къазанда бишген эт, чий къалмаз.
Ичимден чыкъды хата, къайры барайым сата?
Чомарт къолда мал къалмаз.
Эки итни арасына сюек атма, эки адамны арасында сёз чыгъарма.
Кесине гебен этелмеген, биреуге черен эте эди.
Къыйынлы джети элни къайгъысын этер.
Сагъышы джокъ – джукъучу, акъылы джокъ – къаугъачы.
Айтханы чапыракъдан ётмеген.
Ашына кёре табагъы, балына кёре къалагъы.
Аманнга игилик этсенг, юйюнге сау бармазса.
Рысхысына кёре, джаш ёсер, къышлыгъына кёре, мал ёсер.
Сабийликде юретмесенг, уллу болса – тюзелмез.
Окъдан джара эртде-кеч болса да бителир, сёз джара, ёмюрге къалыр.
Чакъырылмагъан къонакъ къачан кетерин сормаз.
Кютгени беш эчки, сызгъыргъаны уа, джерни джарады.
Иги болса, тамадама – махтау, аман болса, меннге – айыб.
Кёл ашады да, кеси ашады.
Ашда – бёрю, ишде – ёлю.
Адам къаллай бир ишленмесе, аллай бир кесин уллу кёреди.
Тулпарлыкъ, билекден тюл – джюрекден.
Окъугъан – асыу, окъумагъан – джарсыу.

Логин:
Пароль:
	Запомнить меня на этом компьютере

Забыли свой пароль?
Регистрация