- Джиби бир къат джетмей эди да, эки къат тарта эди.
- Аууздан келген, къолдан келсе, ким да патчах болур эди.
- Суу ичген шауданынга тюкюрме.
- Акъыл къартда, джашда тюйюлдю – башдады.
- Акъдан къара болмаз.
- Къарнынг къанлынга кийирир.
- Огъурлуну сёзю – суу, огъурсузну сёзю – уу.
- Чабакъ башындан чирийди.
- Соргъан айыб тюлдю, билмеген айыбды.
- Таякъ этден ётер, тил сюекден ётер.
- Юйлю уругъа ит чабмаз.
- Тюз сёз баргъан сууну тыяр.
- Нёгерсизни джолу узун.
- Башсыз урчукъ тюзюне айланмаз.
- Бети бедерден, намыс сакълама.
- Ашлыкъны арба юйге келтирир, чана базаргъа элтир.
- Тулпарлыкъ, билекден тюл – джюрекден.
- Ариуну – ауруу кёб.
- Ата Джуртча джер болмаз, туугъан элча эл болмаз.
- Адамны сабийин сюйген джюреги, бычакъча, джитиди.
- Башланнган иш битер, къымылдагъан тиш тюшер.
- Мухардан ач ычхынмаз.
- Уллу къашыкъ эрин джыртар.
- Ач, тоймам, дейди, тойгъан, ач болмам, дейди.
- Хазыр ашха – терен къашыкъ.
- Кирсизни – саны таза, халалны – къаны таза.
- Келинни – келгинчи, бёркню кийгинчи кёр.
- Къуру гыбыт бек дыгъырдар.
- Тилчи бир сагъатха айлыкъ хата этер.
- Дуния мал дунияда къалады.
- Кёл ашады да, кеси ашады.
- Адам сёзге тынгыла, акъыл сёзню ангыла.
- Юреннген ауруу къалмаз.
- Эр абынмай, эл танымаз.
- Алтыда кюлмеген, алтмышда кюлмез.
- Джолда аягъынга сакъ бол, ушакъда тилинге сакъ бол.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ётген ёмюр – акъгъан суу.
- Чакъырылмагъан къонакъ тёрге атламаз.
- Аманны эки битли тону болур, бирин сеннге кийдирир, бирин кеси киер.
- Къалгъан ишге къар джауар.
- Бойнуму джети джерден кессенг да, мен ол ишни этеллик тюлме.
- Чарсда алчыны эл кёреди.
- Хансыз джомакъ болмаз.
- Джаным-тиним – окъуу, билим.
- Джюз элде джюз ёгюзюм болгъандан эсе, джюз джууугъум болсун.
- Тура эдим джата, къайдан чыкъды хата?
- Айтылгъан сёз ызына къайтмаз.
- Аджаллыгъа окъсуз шкок атылыр.
- Ачыу алгъа келсе, акъыл артха къалады.
Профиль
|
|
|
|||