- Керилген да, ургъан кибикди.
- Эринчекни аурууу – кёб.
- Сагъыш – къартлыкъгъа сюйюмчю.
- Джашлыкъ этмеген, башлыкъ этмез.
- Джуртун къоругъан озар.
- Арыгъан къош чамчы болур.
- Окъдан джара эртде-кеч болса да бителир, сёз джара, ёмюрге къалыр.
- Джырчы джырчыгъа – къарнаш.
- Адамны аты башхача, акъылы да башхады.
- Тёгюлген тюгел джыйылмайды.
- Тюзлюк шохлукъну бегитир.
- Кийим тукъум сордурур.
- Мал кёб болса, джууукъ кёб болур.
- Къазанны башы ачыкъ болса, итге уят керекди.
- Сабий болмагъан джерде, мёлек болмаз.
- Итли къонакъ джарашмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Хантына кёре тузу, юйюне кёре къызы.
- Ашына кёре табагъы, балына кёре къалагъы.
- Къызын тута билмеген, тул этер, джашын тута билмеген, къул этер.
- Илму – джашауну джолу.
- Къошда джокъгъа – юлюш джокъ.
- Тили узунну, намысы – къысха.
- Тынгылагъан тынгы бузар.
- Айырылмаз джууугъунга, унутмаз сёзню айтма.
- Соргъан айыб тюлдю, билмеген айыбды.
- Къыз тиширыу кеси юйюнде да къонакъды.
- Керек ташны ауурлугъу джокъ.
- Иги болса, тамадама – махтау, аман болса, меннге – айыб.
- Джангыз терек къынгыр ёсер.
- Кирсизни – саны таза, халалны – къаны таза.
- Иги адамны бир сёзю эки болмаз.
- Уллу къазанда бишген эт, чий къалмаз.
- Телиге от эт десенг, юйюнге от салыр.
- Таш ата билмеген, башына урур.
- Эртде тургъан бла эртде юйленнген сокъуранмаз.
- Иесиз малны бёрю ашар.
- Насыб бютеу халкъны юлюшюдю.
- Юй ишлеген балта эшикде къалыр.
- Билим ат болуб да чабар, къуш болуб да учар.
- Ёгюзню мюйюзюнден тутадыла, адамны сёзюнден тутадыла.
- Кийимни бичсенг, кенг бич, тар этген къыйын тюлдю.
- Айран ичген – къутулду, джугъусун джалагъан – тутулду.
- Тилсиз миллет джокъ болур.
- Адеби болмагъан къыз – тузсуз хант.
- Ауругъанны сау билмез, ач къарынны токъ билмез.
- Джумушакъ сёз къаты таякъны сындырыр.
- Адебни адебсизден юрен.
- Къонакъ кёб келюучю юйню, къазаны отдан тюшмез.
- Айранын берсенг, челегин да къызгъанма.
Профиль
|
|
|
|||