- Орну джокъну – сыйы джокъ.
- Тилде сюек болмаса да, сюек сындырыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Узун джолну барсанг, бюгюн келирсе, къысха джолну барсанг, тамбла келирсе.
- Ашхы сёз таш тешер.
- Рысхысына кёре, джаш ёсер, къышлыгъына кёре, мал ёсер.
- Къызны минг тилер, бир алыр.
- Нёгер болсанг, тенг бол, тенг болмасанг, кенг бол.
- Мураты болгъанны джюрек тебюую башхады.
- Терек ауса, отунчу – кёб.
- Чакъырылмагъан джерге барма, чакъырылгъан джерден къалма.
- Адам сёзге тынгыла, акъыл сёзню ангыла.
- Ёксюзню тилеги къабыл болур.
- Чакъырылмагъан къонакъ – орунсуз.
- Чакъырылгъанны аты, чакъырылмагъанны багъасы болур.
- Чабакъгъа акъыл, табагъа тюшсе келеди.
- Тойгъан антын унутур.
- Эли джокъну – кёлю джокъ.
- Аманнга да, игиге да оноусуз къатышма.
- Адамны аты башхача, акъылы да башхады.
- Аман адам этегингден тутса, кес да къач.
- Эртде тургъан бла эртде юйленнген сокъуранмаз.
- Эр абынмай, эл танымаз.
- Байлыкъ келсе, акъыл кетер.
- Гитче джилтин уллу элни джандырыр.
- Махтаннган къыз, тойда джукълар.
- Чёбню кёлтюрсенг, тюбюнден сёз чыгъар.
- Хата – гитчеден.
- Тёрде – темир таякълы, къаяда – чыпчыкъ аякълы.
- Джыгъылгъанны сырты джерден тоймаз.
- Мадар болса, къадар болур.
- Джаным-тиним – окъуу, билим.
- Эркишини аманы тиширыуну джылатыр.
- Къызгъанчдан ычхыныр, мухардан ычхынмаз.
- Кёрмегеннге кебек – танг, битмегеннге сакъал – танг.
- Иги адам абынса да, джангылмаз.
- Тенги кёбню джау алмаз, акъылы кёбню дау алмаз.
- Чакъырылмагъан къонакъ къачан кетерин сормаз.
- Ашха уста, юйюнде болсун
- Билим къая тешер.
- Бек анасы джыламаз.
- Тик ёргени, тик энгишгеси да болады.
- Мухарны эси – ашарыкъда.
- Кирсизни – саны таза, халалны – къаны таза.
- Биреуге аманлыкъ этиб, кесинге игилик табмазса.
- Къан бла кирген, джан бла чыгъар.
- Сууда джау джокъ, кёб сёзде магъана джокъ.
- Джылыгъа джылан илешир.
- Ач отунчуну ачыуу – бурнунда.
- Къарнынг тойгъунчу аша да, белинг талгъынчы ишле.
Профиль
|
|
|
|||