- Джырына кёре эжиую.
- Айтылгъан сёз ызына къайтмаз.
- Кеси юйюмде мен да ханма.
- Акъылсызны джууукъгъа алма, акъыллыны кенгнге салма.
- Хата – гитчеден.
- Кёзню ачылгъаны – иги, ауузну джабылгъаны – иги.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эки къатын алгъанны къулагъы тынгнгаймаз.
- Джолунга кёре – джюрюшюнг, джагъанга кёре – юлюшюнг.
- Киштикге къанат битсе, чыпчыкъ къалмаз эди.
- Игилик игилик бла сингдирилиучю затды.
- Ётюрюк хапар аякъ тюбю бла джюрюйдю.
- Кесине гебен этелмеген, биреуге черен эте эди.
- Аманнга да, игиге да оноусуз къатышма.
- Сууда джау джокъ, кёб сёзде магъана джокъ.
- Кесине оноу эте билмеген, халкъына да эте билмез.
- Къатын байлыкъны сюер, эр саулукъну сюер.
- Ургъан суудан башынгы сакъла.
- Ауузу аманнга «иги», деме.
- Бир абыннган – минг сюрюнюр.
- Къарт болгъан джерде, берекет болур, сабий болгъан джерде, оюн болур.
- Тенгинг джокъ эсе – изле, бар эсе – сакъла!
- Билим къая тешер.
- Бойнуму джети джерден кессенг да, мен ол ишни этеллик тюлме.
- Болджал ишни бёрю ашар.
- Чомарт джарлы болмаз.
- Бастасын ашагъан, хантусун да ичер.
- Гугук кесини атын айтыб къычыргъанча, мен, мен деб нек тураса?
- Тюзню ётмеги тюзде къалса да, тас болмаз.
- Ёксюзню къалачы уллу кёрюнюр.
- Ауурну тюбю бла, дженгилни башы бла джюрюген.
- Байдан умут эте, джарлыдан ёгюз багъасы къорады.
- Тилчи бир сагъатха айлыкъ хата этер.
- Ёгюзню мюйюзюнден тутадыла, адамны сёзюнден тутадыла.
- Джангыз торгъай джырламаз.
- Джолда аягъынга сакъ бол, ушакъда тилинге сакъ бол.
- Чакъырылмай келген къонакъ сыйланмай кетер.
- Аман киши кеси юйюнде – къонакъ.
- Байма, деб да, къууанма, джарлыма, деб да, джылама.
- Тойгъа барсанг, тоюб бар, эски тонунгу къоюб бар.
- Ёлген аслан – сау чычхан.
- Ишлегенде эринме, ишде чолакъ кёрюнме.
- Таула не мийик болсала да, аууш табылыр.
- Кечеси – аяз, кюню – къыш, джарлы къаргъагъа бир аш тюш!
- Эки элинги тыйсанг, джети элде махталырса.
- Сабыр джетер муратха, сабырсыз къалыр уятха.
- Акъыл къартда, джашда тюйюлдю – башдады.
- Бет бетге къараса, бет да джерге къарар.
- Биреуге кёлтюрген таягъынг, кесинги башынга урур.
- Ашхылыкъ джерде джатмайды, аманлыкъ суугъа батмайды.
Профиль
|
Куку руку
 Эльбрусоид
Баллов: 0
Регистрация: 24.05.2016
Последний визит: 25.06.2016 03:15:42
|
|
||||||
|
|
|
||||||