- Билим – акъылны чырагъы.
- Эртде тургъан джылкъычыны эркек аты тай табар.
- Аджал соруб келмез, келсе, къайтыб кетмез.
- Уллу къашыкъ эрин джыртар.
- Кюн кёрмеген, кюн кёрсе, кюндюз чыракъ джандырыр.
- Къыз тиширыу кеси юйюнде да къонакъды.
- Адеб этмеген, адеб кёрмез.
- Къонагъынгы артмагъын алма да, алгъышын ал.
- Ашхы тенг джолгъа салыр, аман тенг джолдан тайдырыр.
- Къалгъан ишге къар джауар.
- Ариу – кёзге, акъыл – джюрекге.
- Чакъырылмагъан джерге барма, чакъырылгъан джерден къалма.
- Бек анасы джыламаз.
- Аш иеси бла татлыды.
- Ашха уста, юйюнде болсун
- Ётюрюк хапар аякъ тюбю бла джюрюйдю.
- Чомарт къолда мал къалмаз.
- Тюкюрюк баш джармаз, налат кёз чыгъармаз!
- Ач келгенни – тойдур, кеч келгенни – къондур.
- Сакъ юйюне сау барыр.
- Эки элинги тыйсанг, джети элде махталырса.
- Джырчы ёлсе, джыры къалыр.
- Чыкълы кюнде чыкъмагъан, чыкъса къуру кирмеген.
- Джарашыу сюйген – джалынчакъ.
- Терслик кетер, тюзлюк джетер.
- Оюмсуз атлагъан, аджалсыз ёлюр.
- Ана къолу ачытмаз.
- Аджаллыгъа окъсуз шкок атылыр.
- Хаухну атма, ёнгкючню сатма.
- Ким бла джюрюсенг, аны кёзю бла кёрюнюрсе.
- Намыс болмагъан джерде, насыб болмаз.
- Бети – къучакълар, джюреги – бычакълар.
- Бети къызарыучу адамны, джюреги харам болмаз.
- Нарт сёз – тилни бети.
- Ашарыкъда сайлагъаннга – чий гырджын.
- Къызгъанчдан ычхыныр, мухардан ычхынмаз.
- Иги адам абынса да, джангылмаз.
- Айран ичген – къутулду, джугъусун джалагъан – тутулду.
- Тойгъа барсанг, тоюб бар, эски тонунгу къоюб бар.
- Башы ишлегенни, ауузу да ишлер.
- Джаш болсун, къыз болсун, акъылы, саны тюз болсун.
- Туз, гырджын аша, тюзлюк бла джаша.
- Киштикге къанат битсе, чыпчыкъ къалмаз эди.
- Ауурну тюбю бла, дженгилни башы бла джюрюген.
- Бюгюн дуния кибик, тамбла ахыратды.
- Ариу сёз аурууунгу алыр.
- Нёгер болсанг, тенг бол, тенг болмасанг, кенг бол.
- Билим къая тешер.
- Окъугъан озар, окъумагъан тозар.
- Сабий болмагъан джерде, мёлек болмаз.
Профиль
|
|
|
|||