- Шайтан алдады, тюзлюк къаргъады.
- Шекер бла туз – бир болмаз, ушамагъан – юй болмаз.
- Ашарыкъда сайлагъаннга – чий гырджын.
- Ашлыкъ – бюртюкден, джюн – тюкден.
- Къарт бла баш аша, джаш бла аякъ аша.
- Уллу къазанда бишген эт, чий къалмаз.
- Алтыннга тот къонмаз.
- Чомарт къолда мал къалмаз.
- Сууда джау джокъ, кёб сёзде магъана джокъ.
- Ат да турмайды бир териде.
- Агъач халкъгъа алтынды, иссиликге салкъынды.
- Ачлыкъ отха секиртир.
- Ёлген аслан – сау чычхан.
- Ёзденликни джайгъан – джокълукъ.
- Сёлеш деб шай берген, тохта деб, сом берген.
- Къазанны башы ачыкъ болса, итге уят керекди.
- Ашхы – джыяр, аман – джояр.
- Къонакъ аман болса, къонакъбай джунчур
- Гыдай эчки суугъа къараб, мюйюзле кёрмесе, джашма алкъын, дегенди.
- Ариу – кёзге, акъыл – джюрекге.
- Рысхы – сют юсюнде кёмюк кибикди.
- Ёмюрлюк шохлукъну джел элтмез.
- Кесинге джетмегенни, кёб сёлешме.
- Ишни аллы бла къууанма да, арты бла къууан.
- Эрни эр этерик да, къара джер этерик да, тиширыуду.
- Эски джаугъа ышанма.
- Тешигини къатында, чычхан да батыр болур.
- Тойчу джашха къарама, къойчу джашха къара.
- Джеринден айырылгъан – джети джылар, джуртундан айырылгъан – ёлгюнчю джылар.
- Aдам боллукъ, сыфатындан белгили.
- Мен да «сен», дейме, сен да «кесим», дейсе.
- Къошда джокъгъа – юлюш джокъ.
- Къыйынлы джети элни къайгъысын этер.
- Азыгъы аз, алгъа къабар, аты аман, алгъа чабар.
- Ёгюзню мюйюзлери ауурлукъ этмейдиле.
- Иги сёз – джаннга азыкъ, аман сёз башха – къазыкъ.
- Уллу сёлешме да, уллу къаб.
- Аш иеси бла татлыды.
- Зар адамны насыбы болмаз.
- Бек анасы джыламаз.
- Малны кют, джерни тюрт.
- Джаным-тиним – окъуу, билим.
- Бет бетге къараса, бет да джерге къарар.
- Тура эдим джата, къайдан чыкъды хата?
- Ашхылыкъ джерде джатмайды, аманлыкъ суугъа батмайды.
- Сагъышы джокъ – джукъучу, акъылы джокъ – къаугъачы.
- Къанны къан бла джуума, аманны аман бла къуума.
- Сангырау къулакъ эл бузар.
- Болджал ишни бёрю ашар.
- Халкъны юйю – туугъан джери.
Профиль
|
|
|
|||