- Акъыллы башны – тили къысха.
- Ашда уялгъан – мухар, ишде уялгъан – хомух.
- Бети – къучакълар, джюреги – бычакълар.
- Ишленмеген джаш – джюгенсиз ат, ишленмеген къыз – тузсуз хант.
- Ёлген аслан – сау чычхан.
- Артына баргъанны, къатына барма.
- Уллу суу бла уллу ауруудан башынгы сакъла.
- Гугук кесини атын айтыб къычыргъанча, мен, мен деб нек тураса?
- Ашаса, ашамаса да, бёрюню ауузу – къан.
- Ашхы адам – халкъ байлыгъы, ашхы джер – джашау байлыгъы.
- Ойнай билмеген, оюн бузар.
- Иги адамны бир сёзю эки болмаз.
- Акъыл неден да кючлюдю.
- Ойнай билмеген, уруб къачар.
- Ишлегенден, къарагъан уста.
- Таукелге нюр джауар.
- Къобан да къуру да къобханлай турмайды, адам да къуру да патчахлай турмайды.
- Ачлыкъ отха секиртир.
- Тыш элде солтан болгъандан эсе, кесинги элде олтан болгъан игиди!
- Аш кетер да бет къалыр.
- Кийиминг бла танылма, адамлыкъ бла таныл.
- Ётюрюкчюню шагъаты – къатында.
- Миллетни бойну – базыкъ, аны бла кюрешген – джазыкъ.
- Эл элде бирер малынг болгъандан эсе, бирер тенгинг болсун.
- Ёгюзню мюйюзлери ауурлукъ этмейдиле.
- Насыб бютеу халкъны юлюшюдю.
- Кёз – сюйген джерде, къол – ауругъан джерде.
- Ариу сёз – къылычдан джити.
- Къонакъны къачан кетерин сорма, къачан келлигин сор.
- Эл тойса, тоймагъан, эл къойса, къоймагъан.
- Акъдан къара болмаз.
- Сагъышы джокъ – джукъучу, акъылы джокъ – къаугъачы.
- Атынг аманнга чыкъгъандан эсе, джанынг тамагъынгдан чыкъсын.
- Къонагъынгы артмагъын алма да, алгъышын ал.
- «Ма», - дегенни билмесенг, «бер», - дегенни билмезсе.
- Тюкюрюк баш джармаз, налат кёз чыгъармаз!
- Къызын тута билмеген, тул этер, джашын тута билмеген, къул этер.
- Юйлю уругъа ит чабмаз.
- Тил джюрекге джол ишлейди.
- Элге къуллукъ этмеген, элге ие болмаз.
- Экиндини кеч къылсанг, чабыб джетер ашхам.
- Эл бла кёргенинг эрелей.
- Зар адамны насыбы болмаз.
- Кесинг сынамагъан затны, адамгъа буюрма.
- Эринчекге кюн узун.
- Аджашханны ызындагъы кёреди, джангылгъанны джанындагъы биледи.
- Мухар, кеси тойса да, кёзю тоймаз.
- Къарт айтханны этмеген, къартаймаз.
- Соргъан айыб тюлдю, билмеген айыбды.
- Адам къыйынлыгъын кёлтюрюр, зауукълугъун кёлтюрмез.
Профиль
|
|
|
|||